NAMBAR 32:3 - Lai (Hakha) Common Language Bible 2006

³ “Ataroth, Dibon, Jazer, Nimrah, Heshbon, Elealeh, Sebam, Nebo, le Beon,

NAMBAR 32:3 ပူးပေါင်းရင်းမြစ်များ

NEHEMIAH 9:22

Cun annih cu pennak le miphun kha na pek hna i hranchaw bantukin na phawt hna. Cuticun Heshbon siangpahrang Sihon ram le Bashan siangpahrang Og ram cu an lak hna.

ISAIAH 15:6

Nimrim tiva cu a kao, a pawng ram cu an car dih i a hringmi zeihmanh an taang lo.

JEREMIAH 48:1

Moab kong ah Ralkapbu Bawipa, Israel Pathian nih hi bangin a ti: “Aize, Nebo cu a lo i a ṭiao cang ai! Kiriathaim cu lak a si cang i a mual a pho cang ai! Misgab cu ningzahnak a phan i a hnabei a dong cang;

JEREMIAH 48:2

Moab minthannak cu a um ti lo. Heshbon ah a cung ṭhat lonak ding kha khua an khan: ‘Ra u law hrawk dih u sih, miphun si ti hlah seh,’ an ti. Nannih Madmen i a ummi hna zong tuk nan si lai i nan mi hna cu vainam nih a dawi hna lai.

JEREMIAH 48:32

Jazer mi ka ṭah hna nak tam deuh in Sibmah mi kha ka ṭah hna lai. Maw Sibmah khuapi, nang cu mitsur ruang a nge Rili Thi tiang a zam i Jazer tiang a phanmi bantuk na si, Sihmanhsehlaw atu cu ṭhal caan i na theitlai hna le na mitsur thei hna cu hrawh an si cang.

JEREMIAH 48:34

Heshbon khuami hna le Elealeh khuami hna cu an ai i an ai thawng cu Jahaz tiangin a thang; Zoar i a ummi hna nih an rak theih i Horonaim le Eglath-shelishiyah tiangin a thang. Nimrim tivate hmanh kha a car dih.

JEREMIAH 48:45

Heshbon thladem tangah, Bawmtu ngei lomi mizam hna cu an i din; Sihmanhsehlaw hmasa i Siangpahrang Sihon nih a rak ukmi Heshbon kha a kang cuahmah len ko. Raldoh a duhmi Moab mi hna ramri hna le tlang sang hna cu mei nih a kangh cang hna.

EZEKIEL 25:9

a ral khamnak kha khattelei kam in khattelei kam tiang ka hun hna lai i a khua kha ka langhter hna lai — a khua dawh bikbik hna Bethjeshimoth le Baal-meon le Kiriathaim hna cu.

NAMBAR 21:28

Zeitintiah Heshbon in mei a chuak i Sihon khua in meizik a chuak. Moab siangpahrang Ar kha a kangh, Arnon hmunsang bawi hna zong.

NAMBAR 21:30

Cucaah an tefa hna cu Heshbon in Dibon tiang an rawk i Medeba tiang mei a kangh hlantiang kannih nih kan ṭhio,” tiah an ti.

NAMBAR 21:32

Cun Moses nih Jazer cu va ngiat awkah a thlah hna i a khuate kha an lak hna i khika ah a ummi Amor mi hna kha an pawnchuah hna.

NAMBAR 32:1

Reuben fapa hna le Gad fapa hna cu saṭil tampi an ngei. Jazer ram le Gilead ram cu an hmuh i zohhmanh, cu hmun cu saṭil ram a si.

NAMBAR 32:2

Cucaah Gad fapa hna le Reuben fapa hna cu Moses le tlangbawi Eleazar le mibu hruaitu hna sinah khan an ra i,

JOSHUA 13:17

Heshbon le tlangrawn ram chungah a ummi khua vialte he; Dibon le Bamoth-baal le Beth-baal-meon le

JOSHUA 13:19

Kiriathaim le Sibmah le nelrawn tlang cungah a ummi Zereth-shahar le

JOSHUA 21:39

Heshbon le a saṭil tlonnak ram hna, Jazer le a saṭil tlonnak ram hna — a dihlak ah khua pali cu pek an si.

BIACEIHTU 11:26

Israel mi nih Heshbon le a khuate hna chungah le Aroer le a khuate hna chungah le, Arnon tiva kam i a ummi khua vialte hna chung i an um lio, kum za thum chungah khan, zeicahdah kha chungah khan na rak lak ṭhan hna lo?