NAMBAR 32:1 - Lai (Hakha) Common Language Bible 2006

¹ Reuben fapa hna le Gad fapa hna cu saṭil tampi an ngei. Jazer ram le Gilead ram cu an hmuh i zohhmanh, cu hmun cu saṭil ram a si.

NAMBAR 32:1 ပူးပေါင်းရင်းမြစ်များ

GENESIS 13:2

Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei.

GENESIS 13:5

Abram he a kal ṭimi Lot zong nih khan tuu le meheh le caw le a sin i a um vemi minung kha a ngeih ve hna.

GENESIS 29:32

Leah cu fa a pawi i fapa a hrin. Aa thawh i, “Bawipa nih ka harnak kha a ka hmuhpiak cang, atu cu ka va nih a ka dawt cang lai,” a ti; cucaah a min ah Reuben a sak.

GENESIS 47:4

“Cun bawipa, hika ram i kan ratnak cu Kanaan ram chungah khan mangṭam a fak tuk i kan saṭil run caah khan ram zeihmanh a um lo. Cucaah cun bawipa, Goshen ram chungah hin kan umter ko tiah kan in nawl,” an ti.

2 SAMUEL 24:5

Jordan tiva kha an tan i Aroer le Gad lei i a va kal i Jazer i a va lanmi nelrawn laifang i a ummi khua in an i thawk.

2 SAMUEL 24:6

Cun Gilead le Hit mi ram i a ummi Kadesh an phan; cun Dan an phan, cun Dan cun an i kual i Sidon an phan i

1 CHANRELNAK 4:41

Hi an min in ṭialmi hna hi, Judah siangpahrang Hezekiah chan ah khan an ra i, an thlam hna le khika i khua a rak sami Meunim mi hna kha an hrawh hna i nihin ni tiang hin an hloh cikcek hna i an umnak ah khan anmah an um, zeicahtiah khika ah khan an saṭil run hna caah ram a um.

EXODUS 12:38

Midang tampi le tuu le meheh le caw tampi zong an sinah cun an kal ve.

JEREMIAH 22:6

Zeicahtiah Judah siangpahrang inn kong ah Bawipa nih hi bangin a ti: Nangmah cu ka caah Gilead bantuk le Lebanon tlangpar bantukin i dawh hmanh law, Ahohmanh an um lonak hmun thetse ram ah kan canter lai.

JEREMIAH 48:32

Jazer mi ka ṭah hna nak tam deuh in Sibmah mi kha ka ṭah hna lai. Maw Sibmah khuapi, nang cu mitsur ruang a nge Rili Thi tiang a zam i Jazer tiang a phanmi bantuk na si, Sihmanhsehlaw atu cu ṭhal caan i na theitlai hna le na mitsur thei hna cu hrawh an si cang.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

NAMBAR 21:32

Cun Moses nih Jazer cu va ngiat awkah a thlah hna i a khuate kha an lak hna i khika ah a ummi Amor mi hna kha an pawnchuah hna.

NAMBAR 32:2

Cucaah Gad fapa hna le Reuben fapa hna cu Moses le tlangbawi Eleazar le mibu hruaitu hna sinah khan an ra i,

NAMBAR 32:26

Kan ngakchia hna le kan nupi hna le kan tuurun hna le kan saṭil vialte hna cu khika ah khin Gilead ram khua hna ah khin an rak um ko lai;

NAMBAR 32:3

“Ataroth, Dibon, Jazer, Nimrah, Heshbon, Elealeh, Sebam, Nebo, le Beon,

NAMBAR 32:35

Atroth-shofan, Jazer, Jogbehah,

DEUTERONOMI 33:21

Ram chungah a ṭhatnak bik cu aa thim, Zeitintiah khika ah hruitu covo cu amah caah chiahpiak a si; Israel mi ca i Bawipa nawlbia hna le biakhiahnak hna cu tlinter awkah Mi hmaisuang ah cun a um,” tiah a ti.

JOSHUA 13:25

An ram cu mah hna hi a si: Jazer le, Gilead ram khua vialte le, Ammon mi hna ram hnarcheu, Rabbah nichuahlei ah a ummi Aroer tiang,

JOSHUA 22:13

Cun Israel mi nih Gilead ram i Reuben mi hna le Gad mi hna le Manasseh phun cheu sinah cun tlangbawi Eleazar fapa Phinehas kha an thlah,

JOSHUA 22:9

Cucaah Reuben mi hna le Gad mi hna le Manasseh phun cheu cu Kanaan ram chungah a ummi Shiloh khua i Israel mi hna sin cun an ṭhen i an inn ah an kir. Bawipa nih Moses sinin nawl a peknak thawngin an comi an ram Gilead ram ah cun kal awkah an i thawh.

1JOHAN 2:16

Vawlei ta a simi thil paohpaoh — pumsa duhnak tehna, mi nih zoh an duhmi thil hna, mi nih porhlawtnak ah an hmanmi thil tehna hi Pa sinin a rami an si lo; vawlei in a rami lawngte an si dih.

BIACEIHTU 5:16

Zeicahdah tuurun hna ca i thonglawi tummi hei ngaih awk ko ah cun, Tuurun hna lakah cun na um peng ko? Reuben phun hna lakah cun, Lungthin i hriahdah lennak kha a um.