NAMBAR 30:3 - Lai (Hakha) Common Language Bible 2006

³ Asiloah, minu pakhatkhat nih a ngaknut lio a pa inn i a um lioah biakamnak in amah le amah cu i ṭem awkah biakamnak a tuah tikah,

NAMBAR 30:3 ပူးပေါင်းရင်းမြစ်များ

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

SALM 50:14

Pathian sinah lawmhnak chim cu nan raithawinak si seh law Lianngan Bik cu kan in pek lai tiah nan i kammi pekchanh awk vialte kha pechan ko u.

LEVITIKAS 27:2

“Israel mi cu hi bangin va chim hna. Mipa pakhatkhat cu a hleikhun in Bawipa sinah tuahmi biakamnak ruangah Bawipa sinah pek a si ahcun,

NAMBAR 30:2

Mipa pakhatkhat nih Bawipa sinah biakamnak a tuah ah maw, biakamnak in amah le amah cu i ṭem awkah chiat a ser ah maw, a bia cu a hrawk lai lo; a kaa chungin a chuakmi vialte bang khan a tuah lai.

NAMBAR 30:4

a pa nih a biakamnak le a biahrennak amah le amah aa ṭemnak cu a theih i zeihmanh amah sinah a chim lo ahcun, a biakamnak vialte cu a dir lai i amah le amah aa ṭemnak biahrennak vialte zong a dir ve lai.

NAMBAR 6:2

“Israel mi cu va chim tuah hna, pa nih siseh, nu nih siseh a si khunmi biakamnak, Nazir biakamnak, Bawipa sin i i thleidan awkah a tuah tikah,

1 KORIN 14:34

Pathian mi aa pummi hna an i pumh tikah a si cio tawn bantukin, pumhnak ah cun nu cu dai tein um awk an si ko. Bia kha chimter awk an si lai lo. Judah mi Phung nih a ti bangin, pumh uktu an si lai lo.

JOSHUA 9:18

Sihmanhsehlaw Israel mi nih cun an that hna lo, zeicahtiah aa pummi hruaitu nih khan Bawipa Israel Pathian chalh in an sinah chiat an ser cang. Khi tikah aa pummi vialte nih cu hruaitu hna cungah khan an phunzai.

BIACEIHTU 11:35

Cun a hmuh tikah a puan kha a thleh hna i, “Aize, ka fanu! Na ka niamter ngaingai ai, keimah ca i harnak nganpi tuahtu ah na cang ai; zeitintiah Bawipa sinah ka kaa ka pau cang i ka biakamnak cu ka la ṭhan kho ti lo,” tiah a ti.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.