NAMBAR 3:6 - Lai (Hakha) Common Language Bible 2006

⁶ “Levi phun cu nai ah ratpi hna law, tlangbawi Aaron hmaiah chia hna, amah cu bultawl hna seh.

NAMBAR 3:6 ပူးပေါင်းရင်းမြစ်များ

1 CHANRELNAK 15:2

Cun David nih, “Levi mi dah ti lo nih cun ahohmanh nih Pathian kuang cu i zawn hna hlah seh, zeitintiah annih cu Bawipa nih Bawipa kuang i zawnh awk le a rian ṭuan zungzal awkah a thim hna,” tiah a ti.

1 CHANRELNAK 23:28

“Sihmanhsehlaw annih an rian cu Bawipa inn rianṭuannak i Aaron fapa hna bawmh kha a si lai, annih nih tual hna le innchung dal hna kha an zohkhenh lai, a thiangmi thil vialte kha an thianhhlimh lai. Pathian inn chung rian zeipaoh kha an ṭuan lai;

1 CHANRELNAK 23:32

Cuticun annih nih tonnak thlam le hmunthiang kha an zohkhenh hna lai i Bawipa inn rian ṭuannak ah khan an unau Aaron fapa hna kha an bawmh hna lai.”

1 CHANRELNAK 6:33

Hi hna hi rian a ṭuanmi hna le an fapa hna cu an si. Kohath mi hna chungin: hla satu Heman, amah cu Joel fapa a si, Joel cu Samuel fapa a si,

2 CHANRELNAK 29:11

Ka fapale hna, atu cu thluarthlap in um hlah u, zeitintiah Bawipa nih nannih cu a hmai i dir awk le amah rianṭuan awk le amah rianṭuantu si awk le amah sinah zihmui khangh awkah an thim hna,” tiah a ti.

EZRA 6:18

cun Moses cauk chungah aa ṭial bangkhan, tlangbawi hna cu an i cheu ningin, Levi mi hna cu an phu an phu in, Jerusalem i Pathian rianṭuan awkah khan an thiah hna.

MALAKHI 2:4

Khi tikah hi biachahnak cu kan pek hna ti kha nan hngalh lai: Levi he biakamnak ka rak sermi cu vawlei ah a ril cang, tiah ralkapbu Bawipa nih a ti.

NAMBAR 18:21

“Levi mi cu tonnak thlam chung i an rian, cu rianṭuan man ah cun Israel mi hna lak i cheu hra cheu khat cu ro caah ka pek hna.

NAMBAR 2:17

“Cun tonnak thlam cu a pok lai, riahhmun hna laifang i Levi mi hna riahhmun he cun; riahhmun an khuar ning te khan an pok lai, anmah le an umnak ning ciote khan, alan pakhat hnu pakhat in.

NAMBAR 2:33

Sihmanhsehlaw Bawipa nih Moses nawl a pek bangin Levi mi hna cu Israel mi lakah rel an si lo.

NAMBAR 3:5

Cun Bawipa nih Moses cu a chawnh i,

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.