NAMBAR 3:40 - Lai (Hakha) Common Language Bible 2006

⁴⁰ Cun Bawipa nih Moses cu a chawnh i, “Israel mi hna an fater pa, thla khat ri in a cunglei vialte cu rel hna, zeizat an si cu an min in na lak lai.

NAMBAR 3:40 ပူးပေါင်းရင်းမြစ်များ

SALM 87:6

Bawipa nih miphun hna cazin kha a ṭial lai i annih cu Jerusalem khuami hna chungah khan a telh chih hna lai.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

NAMBAR 3:12

“Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak cang hna. Levi mi cu keimah ta an si lai,

NAMBAR 3:15

“Levi fapa cu rel tuah hna, an phun ningin le an chung ningin; pa paohpaoh, thla khat ri in a cunglei na rel hna lai,” tiah a ti.

NAMBAR 3:41

Cun Levi mi cu keimah caah na lak hna lai — keimah cu Bawipa ka si — Israel mi hna lak i fater vialte hna can ah na lak hna lai, cun, Levi mi saṭil hna cu Israel mi hna saṭil hna lak i later fa can ah na lak hna lai,” tiah a ti.

NAMBAR 3:45

“Levi mi hna cu Israel mi hna lak i fater vialte can ah la hna law, Levi mi saṭil hna cu an saṭil can ah la hna; cun Levi mi cu keimah ta an si lai: keimah cu Bawipa ka si.

LUKA 10:20

sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u,” a ti hna.

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.