NAMBAR 3:3 - Lai (Hakha) Common Language Bible 2006

³ mah hihi Aaron fapa hna min cu an si, chiti thuhmi tlangbawi, tlangbawi rian ṭuan awkah a thleidanmi hna cu.

NAMBAR 3:3 ပူးပေါင်းရင်းမြစ်များ

1 CHANRELNAK 23:6

Cun annih cu David nih Levi fapa Gershom, Kohath le Merari hna ning khan an bu an bu cio in a ṭhen hna.

EXODUS 28:41

Hi thuam hi na u Aaron le a fapa hna cu na hrukter hna lai. Cun chiti na toih hna lai, na thleidan hna lai i na thianter hna lai, cun ka tlangbawi rian kha an ṭuan lai.

EXODUS 40:13

Aaron kha puan thiang cu na aihter lai i chiti na thuh lai i cuticun na thianter lai i ka tlangbawi rian kha a ṭuan lai.

EXODUS 40:15

Cun an pa chiti na thuh bantuk khan chiti na thuh ve hna lai i ka tlangbawi rian kha an ṭuan lai. Chiti na thuhmi hna nih khan dong loin tlangbawi a siter hna lai,” tiah a ti.

LEVITIKAS 8:12

Cun thuhnak chiti cu tlawmpal in Aaron lu ah a toih i a thuh i a thianter.

LEVITIKAS 8:30

Cun Moses nih thuhnak chiti tlawmpal le biakṭheng cung i a ummi thi tlawmpal cu a lak i Aaron le a puan hna cu a theh hna i, a fapa hna le a fapa hna puan hna zong cu a theh hna; cu bangin Aaron le a puan hna le a fapa hna le a fapa hna puan hna cu a thianh ṭi hna.

NAMBAR 3:4

Sihmanhsehlaw Nadab le Abihu cu, Sinai ram lakah Bawipa hmaiah a thiang lomi mei an pekchanh tikah khan an thi, fa an ngei lo. Cu caah Eleazar le Ithamar nih an pa Aaron a nun lio khan tlangbawi rian cu an ṭuan.

HEBRU 7:28

Moses Nawlbia nih cun a tling lomi minung kha tlangbawi ngan ah a ser hna, sihmanhsehlaw chiatser tein tuahmi biakamnak, Moses Nawlbia hnu deuh ah a rami nih cun zungzal in a tlingmi tlangbawi ah Fapa kha a ser.