NAMBAR 3:13 - Lai (Hakha) Common Language Bible 2006

¹³ zeitintiah fater vialte cu keimah ta an si; Izipt ram chung i fater vialte ka thah hna ni ah khan Israel mi hna lak i fater vialte cu, minung siseh, saram siseh, keimah ca hrimhrim ah ka thianter hna; annih cu keimah ta an si lai: keimah cu Bawipa ka si,” tiah a ti.

NAMBAR 3:13 ပူးပေါင်းရင်းမြစ်များ

NEHEMIAH 10:36

cun phungbia chungah aa ṭial bangin, kan fapa hna lakah a chuak hmasa bik hna le kan saṭil hna lakah hrin hmasa bik hna le kan cawrun le tuurun hna chungah a chuak hmasa bik hna cu, kan Pathian inn ah, kan Pathian inn chung i rianṭuantu hna tlangbawi hna sinah khan ratpi awkah bia kan i kam fawn;

EXODUS 13:12

Kha nan hrin hmasa bik fapa paohpaoh kha nan pek lai; nan saṭil nih a hrin hmasa bik fa a pa paohpaoh cu Bawipa ta an si.

EXODUS 13:2

“Fater, pa vialte cu keimah sinah nan ka pekchanh hna lai. Israel mi fater paohpaoh cu, minung an si ah, saram an si ah, keimah ta an si,” a ti.

EXODUS 22:29

“Rawl nan hmuhmi chungin siseh, chiti le mitsur hang nan hmuhmi chungin siseh, keimah ca thawhlawm pek kha duh loin um hlah u. “Nan fapa nan hrin hmasa bikmi hna kha nan ka pek lai.

EXODUS 34:19

“Hrin hmasa bikmi fapa hna le saṭil zong nih an hrin hmasa bikmi hna cu keimah ta an si: fapa hrin hmasa bikmi hna paohpaoh le nan caw le nan saṭil run nih an hrin hmasa bikmi hna paohpaoh cu keimah ta an si.

EZEKIEL 44:30

Theitlai hmasa bik hna lak i hmasa bik hna le nan thawhlawm zeizong phun zakip vialte cu a ning piin tlangbawi hna ta a si lai. Nan inn chungah thluachuahnak a cam khawh nakhnga changreu ca nawnmi chang a hmasa bik hlum cu tlangbawi kha nan pek hna lai.

LEVITIKAS 27:26

“Sihmanhsehlaw later fa paohpaoh cu, Bawipa ta an si caah, ahohmanh nih an pekchanh awk a si lo; cawtum siseh, tuu siseh, Bawipa ta a si.

NAMBAR 18:15

Bawipa sinah an pekchanhmi fater paohpaoh cu, minung siseh saram siseh, nangmah ta an si lai; asinain, minung fater le a thiang lomi saram fater hna cu na tlanh hna lai.

NAMBAR 18:6

Cun zohhmanh, nan unau Levi mi hna cu Israel mi hna chungin ka lak cang hna; annih cu tonnak thlam rianṭuan awk i Bawipa sin le nan sin i pekmi laksawng an si.

NAMBAR 3:41

Cun Levi mi cu keimah caah na lak hna lai — keimah cu Bawipa ka si — Israel mi hna lak i fater vialte hna can ah na lak hna lai, cun, Levi mi saṭil hna cu Israel mi hna saṭil hna lak i later fa can ah na lak hna lai,” tiah a ti.

NAMBAR 33:4

Cu lioah cun Izipt mi hna cu annih lak i Bawipa nih a thahmi an fater hna kha an vui hna; an pathian hna cung zongah Bawipa nih biaceihnak a tuah.

LUKA 2:23

Bawipa nawlbia chungah cun, Nan fater, pa a simi hna paoh kha Bawipa sinah nan pekchanh hna lai, tiah aa ṭial.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.