NAMBAR 28:2 - Lai (Hakha) Common Language Bible 2006

² “Israel mi cu nawl pe hna law, hi bangin chim hna, ‘Keimah sinah pekchanhmi thil, mei in keimah sin i pekchanhnak ca i ka rawl rimthaw cu, amah caan te ah keimah sin i pekchanh awk kha nan i ralring lai.’

NAMBAR 28:2 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

1 CHANRELNAK 23:31

cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai.

2 CHANRELNAK 23:18

Cun Moses phungbia chungah aa ṭial bangin, lawmhpah le hlasak pah in David nawl pekning in Bawipa sin i khangh thawinak pekchanh awkah David nih Bawipa inn zohkhenhtu ah a chiahmi Levi tlangbawi hna le Levi mi hna kut tangah khan, Jehoiada nih Bawipa inn cawngtu kha a chiah hna.

2 CHANRELNAK 31:3

Siangpahrang nih amah ngeihmi chungin a thawhmi cu, Bawipa phungbia chungah aa ṭial bangin, zingfate le zanleifate tuahmi khanghthawinak, thla thar le sabbath le caan ngeimi puai hna i pekchanhmi saṭil kha an si.

EZRA 3:2

Khi tikah Jozadak fapa Jeshua cu a tlangbawi hawi hna he, cun Shealtiel fapa Zerubbabel cu a phun hawi hna he, an tho i, Pathian mi Moses cauk chungah aa ṭial bangin, a cung i khangh thawinak pekchanh awkah Israel Pathian i a biakṭheng cu an ser.

EZRA 3:3

Cun an pawngkam ram mi hna ruang ah cun an cungah ṭihnak a um caah, annih nih biakṭheng cu a hmun ah khan an chiah i a cungah cun Bawipa sinah khangh thawinak zinglei he zanlei he an pekchanh.

NEHEMIAH 10:34

Kannih tlangbawi hna le Levi mi hna le mi zapi hna nih khan thing thawhlawm caah camcawh fung khiahnak kan tuah, kan tining ah cun, innchungkhar cio nih aa chang lengmang in thiahmi caan cio ah khan kum khat hnu kum khat in Bawipa kan Pathian biakṭheng cung i khangh awkah, nawlbia chungah aa ṭial bangin, kan Pathian inn chungah khan kan rak phorh hna lai, kan ti.

SALM 81:3

Thla thar caan le thla lai caan ah, kan puai ah tuu ki cu tum hna u.

EXODUS 23:15

Thilnu Phulh Lo Changreu puai kha nan tuah lai; kan chimh cang hna bantuk khan, Abib thla chung i ni khiahmi ni sarih chung kha thilnu phulh lo changreu nan ei lai, zeicahtiah cu thla cu Izipt ram in nan chuah thla kha a si. Ahohmanh ka hmaiah kut put ngei loin nan chuak lai lo.

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

EZEKIEL 16:19

Kan pekmi rawl, changvut, chiti le khuaihliti, nangmah kan cawmnak kha na lak i an hmaiah cun rim thaw ṭhawinak caah na hun hna. Mah hihi Bawipa Pathian bia hrimhrim a si.

EZEKIEL 20:41

Nan i ṭheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.

EZEKIEL 45:17

cun an bawi cu khangh thawinak caah khan le rawl thawinak caah khan le thlet thawinak caah khan, thla thar ah siseh, sabbath ah siseh, Israel mi nih an ulhmi puai caan paohpaoh ah siseh, amah cu a ruatkhangtu a si lai. Israel mi ca i remnak sernak caah a herhmi sual thawinak le rawl thawinak le khangh thawinak kha amah hrimhrim nih a thawh hna lai.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 1:17

a thlaki a thlongh hna lai, sihmanhsehlaw a pum cu a cheu lai lo. Cun tlangbawi nih biakṭheng cungah cun, mei cung thing cungah cun a khangh lai; mah cucu khangh thawinak, mei in thawinak, Bawipa caah rimthaw cu a si.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 21:6

An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai.

LEVITIKAS 21:8

Amah cu na thianter lai, zeitintiah nan Pathian changreu cu a pechantu a si; nan caah mithianghlim a si lai; zeicahtiah nannih an thiantertu hna Bawipa keimah cu ka thiang.

LEVITIKAS 3:11

Cun tlangbawi nih biakṭheng cungah cun Bawipa sinah mei in pekmi rawl ah a khangh lai.

MALAKHI 1:12

Sihmanhsehlaw nannih nih cun Bawipa cabuai cu thurhhnawmh khawh a si ko, kanmah i zei i kan rel lomi rawl cu a cungah hun khawh a si ko, ti i nan ruahnak thawng hin ka min cu nan thurhhnawmh.

MALAKHI 1:7

Nannih nih nan i thawh i, “Zeitindah na min cu zeirello in kan um?” nan ti. Zeirello i nan um cu ka biakṭheng cung i a thurhnawmmi rawl nan ka pekchanh hi a si. Nannih nih nan i thawh i, “Zeitindah kan in thurhnawmh,” nan ti. Nan ka thurhhnawmhnak cu hitihin a si: Nan i thawh i, Bawipa cabuai cu zohhnawmh si ko seh,

NAMBAR 15:24

mibu nih hngalh loin tuah sual a si ahcun, a pummi vialte nih khangh thawinak, Bawipa sin i rimthaw caah cawtum no pakhat nan pek lai; a phunglam ningin a changvut thawinak le a thlet thawinak he, cun meheh a pa pakhat sual thawinak caah nan pek lai.

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

NAMBAR 15:7

thlet thawinak caah cun mitsur hang hin cheu thum cheu khat na pek lai, Bawipa caah rimthaw a si lai.

NAMBAR 28:1

Bawipa nih Moses cu a chawnh i,

NAMBAR 29:39

“Nan biakam thawinak hna le nan lung tho tein thawinak hna hlei ah, mah hna hi nan khangh thawinak hna le nan changvut thawinak hna le nan thlet thawinak hna le nan daihnak thawinak hna caah a caan khiahmi puai hna ah Bawipa sinah nan pekchanh hna lai,” tiah a ti.

NAMBAR 9:13

Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

NAMBAR 9:7

cu hna nih cun a sinah, “Miruak tawnghnak in kannih cu kan thur cang; zeicahdah Israel mi hna lak i a caan khiahmi Bawipa sin i pekchanhnak pek cu nan kan thlauh?” tiah an ti.

2 KORIN 2:15

Cucaah kannih cu Khrih nih Pathian sinah a pekchanhmi rimthaw zihmui bantuk kan si, cu zihmui cu khamh lio lengmangmi hna sin zong a phan i a tlau lio lengmangmi hna sin zong a phan.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.