NAMBAR 24:9 - Lai (Hakha) Common Language Bible 2006

⁹ A kun i chiandeih bangin a bawk, Chiandeihpi a lo; aho nih dah an thawh ngam lai? Nanmah thluachuah an petu hna paoh cu thluachuakmi si ve hna seh law, Chiat an serhtu hna paoh cu chiat serh si ve hna seh,” tiah a ti.

NAMBAR 24:9 ပူးပေါင်းရင်းမြစ်များ

GENESIS 12:3

Nangmah thluachuah an petu kha thluachuah ka pek ve hna lai i chiat an serhtu kha chiat ka serh ve hna lai. Vawlei cung miphun vialte nih hin, Nangmah thluachuah kan pek bantuk hin thluachuah kan pe ve, tiah an ka hal lai,” a ti.

GENESIS 27:29

Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

GENESIS 49:9

Judah cu chiandeih fa a sasehmi a that i a kua ah a kir ṭhanmi a si; Chiandeihpi bantukin a bawk i ahohmanh nih an helh ngam lomi a si.

1 SIANGPAHRANG 10:20

lamhbak kamkip ah khan a lamhbak paruk in, chiandeih hleihnih an dir. Cu bantuk cu khuazei ram hmanh ah an ser bal lo.

2 CHANRELNAK 9:18

Bawi ṭhutdan nih cun lamhbak paruk le sui in sermi kedanh a ngei i cu hna cu bawi ṭhutdan ah khan an i peh, ṭhutnak kam veve ah ban chiahnak an um i ban chiahnak pawng veve ah cun chiandeih pahnih an dir;

ESTHER 6:13

Cun Haman nih a nupi Zeresh le a hawikom vialte kha a cung i a tlungmi thil vialte cu a chimh hna. Cun a nupi Zeresh le a mifim hna nih cun an thawh i, “A hmaiah tluk hram naa thawkmi Mordekai cu Judah mi a si ahcun amah cu na tei lai lo, sihmanhsehlaw nangmah tu kha a hmaiah cun na tlu hrimhrim lai,” tiah an ti.

JOB 41:10

A thawh cang ahcun, zeitluk in dah ṭihnung a si, Ahodah a dir-onh ngam lai?

SALM 122:6

Jerusalem daihnak caah thla cam u! “Nangmah an duhmi cu an thluachuak hna seh!

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

EXODUS 23:22

Asinain amah bia kha nan ngaih i ka chimmi vialte kha nan tuah ahcun, nan ral kha keimah nih kan dohpiak hna lai i an dotu hna a dohtu kha ka si lai.

ISAIAH 31:4

Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an ṭhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka ṭhawl kho lai lo.

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

NAMBAR 22:12

Pathian nih Balaam cu, “An sinah na kal hnga lo; cu mi hna cu chiat na serh hna hnga lo, zeitintiah thluachuakmi an si,” tiah a ti.

NAMBAR 22:6

Ra tuah law, mah mi hna hi chiat ka serhpiak hna, keimah caah an ṭhawng tuk; ka tei hna in hi ram hin ka hei dawi khawh hna hmanh hnga maw; zeitintiah thluachuah na pekmi cu thlua an chuak i, chiat na serhmi cu a chiat hna ti kha ka hngalh,” tiah a ti.

NAMBAR 24:10

Cun Balaam cungah cun Balak thinhunnak cu a alh i a kut aa tum i Balak nih cun Balaam cu, “Ka ral hna chiatserh awkah kan kawh i zohhmanh, hi voi thum tiang thluachuah na pek hna.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

LAMKALTU 9:5

“Ahodah na si, Bawipa?” tiah a leh. Aw nih cun, “Keimah cu na hremmi Jesuh ka si.

DEUTERONOMI 30:7

Cun Bawipa nan Pathian nih hi chiatnak vialte cu nanmah an hremtu hna nanmah dohtu hna le nan ral hna cungah a tlunter lai.