NAMBAR 24:4 - Lai (Hakha) Common Language Bible 2006

⁴ Pathian bia a theimi le A Lianngan Bik langhnak a hmu i a tlu nain A mit hunpiak a simipa bia cu hihi a si:

NAMBAR 24:4 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 15:12

Ni a tlak cuahmah tikah khan Abram cu aa hngilh i a cungah ṭihnak nganpi a tlung.

1 SIANGPAHRANG 22:17

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

SALM 89:19

Zumhawktlak a simi na sal hna sinah hlan liopi ah langhnak in bia na chim i, “Ralkap min thang pakhat cu bawiluchin ka chinh cang; mizapi hna chungin thimmi kha bawiṭhutdan cu ka pek cang.

EZEKIEL 1:28

Ruahpi a sur ni ah khuadawm lak i chuncha a chuah bantuk khin a velchum i a ceumi cu a um. Bawipa sunparnak a muisam cu cu bantuk cu a si. Cucu ka hmuh tikah ka bawk i aw pakhat ka theih.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

NAMBAR 22:20

Cun Pathian nih Balaam sinah zan ah a ra i, “Hi mi hna nih nangmah kawh awkah an rat ahcun, tho law, an sinah va kal ko; sihmanhsehlaw kan chimhmi lawnglawng kha na tuah lai,” tiah a sinah a ti.

NAMBAR 22:31

Cu tikah Bawipa nih Balaam cu a mit a auter i, Bawipa vancungmi, vainam zuh cia a kut ah i put in, lamkalai ah a dir ko kha a hmuh, cun a lu a khun i a bawk.

NAMBAR 24:15

Cun a konglam chim cu a thawk i, “Beor fapa Balaam bia, A mit auter a simipa bia cu,

NAMBAR 24:5

Maw Jakob, zeitluk in dah na thlam cu an i dawh, Maw Israel, zeitluk in dah na riahhmun hna cu an i dawh!

LAMKALTU 10:10

A rawl a ṭam i rawl ei kha a duh; cun rawl an ser lioah khan langhnak a hmu.

LAMKALTU 10:19

Peter cu langhnak a hmuhmi a sullam kha zeidah a si hnga tiah hngalh aa zuam lengmang lioah khin Thlarau nih a vun thawh i, “Ngaihmanh, minung pathum nih an in kawl len ko.

LAMKALTU 22:17

“Jerusalem ah ka kir ṭhan i biakinn chung i thla ka cam lioah langhnak ka hmuh.

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

1 SAMUEL 19:24

Cun amah zong cu a hnipuan kha aa phoih ve i Samuel hmaiah khan bia a chim cukmak ve, cun cu ni cu chun nitlak, zan khuadei, pumlawng in a it. Cucaah, “Saul zong profet hna lakah aa tel ve cang dahra?” ti a si lan.