NAMBAR 22:5 - Lai (Hakha) Common Language Bible 2006

⁵ Amaw ram i a ummi, Tiva pawng i a ummi Pethor khuami Beor fapa Balaam cu kawh awkah lamkal a hei thlah hna i, “Zohhmanh, Izipt ram in miphun pakhat an ra chuak i vawlei an khat dih i keimah zawn ah an um cang.

NAMBAR 22:5 ပူးပေါင်းရင်းမြစ်များ

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

SALM 105:24

Bawipa nih a mi hna cu fa tampi a ngeihter hna i an ral hna nakin ṭhawng deuh ah a ser hna.

EXODUS 10:15

Ram kha a khuh in an khuh dih i cucaah vawlei cu nak dup in a um ko. Ram chung i a khomi thil vialte le rial nih a nganhmi thingthei kung vialte kha an ei dih. Izipt ram chung a dihlak ah thing hring pakhat siseh, ram hring pakhat siseh a taangmi an um lo.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

NAMBAR 31:8

An thahmi hna lakah Midian mi siangpahrang hna, Evi, Rekem, Zur, Hur, le Reba, zong an i tel; Beor fapa Balaam zong nam in an thah.

DEUTERONOMI 23:4

zeicahtiah Izipt ram in nan chuah tikah lampi ah changreu le tiin an in dong hna lo i, Mesopotamia ram Pethor in Beor fapa Balaam kha nannih chiatserh awk caah an ruaih.

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

JOSHUA 13:22

Beor fapa Balaam, camthiammi zong kha Israel mi nih an thahmi hna lakah khan vainam in an thah chih ve.

JOSHUA 24:9

Cun Zippor fapa Balak, Moab siangpahrang, cu a tho i nan nih kha an doh hna; cun mi a hei thlah hna i Beor fapa Balaam cu nannih kha chiat serh awkah a sawm.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.