NAMBAR 22:12 - Lai (Hakha) Common Language Bible 2006

¹² Pathian nih Balaam cu, “An sinah na kal hnga lo; cu mi hna cu chiat na serh hna hnga lo, zeitintiah thluachuakmi an si,” tiah a ti.

NAMBAR 22:12 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

2 CHANRELNAK 31:10

Cun Zadok hrin a simi tlangbawi upa bik Azariah nih khan a leh i, “An thawhlawm cu Bawipa inn chungah ratpi an thawk in kannih nih kan rak ei i kan i za i tampi a hleimi kan ngei rih; Bawipa nih a mi cu thluachuahnak a pek hna caah, cucaah tampi a hleimi kan ngei,” tiah a ti.

SALM 144:15

Hi bantukin a ummi miphun cu aa lawmmi miphun an si; an Pathian ah Bawipa a simi hna cu, lunglawmmi an si.

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

NAMBAR 22:11

‘Zohhmanh, Izipt ram in miphun pakhat an chuak i vawlei kha an khat dih. Ra tuah law, annih kha chiat ka serhpiak hna; annih kha ka doh khawh hna in ka thawl khawh hna hmanh hnga maw,’ a ti,” tiah a ti.

NAMBAR 22:13

Cucaah Balaam cu zinglei ah a tho i Balak bawi hna cu, “Nanmah ram ah va kir ko u, zeitintiah nanmah sin kal cu Bawipa nih a ka sianh lo,” tiah a ti.

NAMBAR 22:6

Ra tuah law, mah mi hna hi chiat ka serhpiak hna, keimah caah an ṭhawng tuk; ka tei hna in hi ram hin ka hei dawi khawh hna hmanh hnga maw; zeitintiah thluachuah na pekmi cu thlua an chuak i, chiat na serhmi cu a chiat hna ti kha ka hngalh,” tiah a ti.

NAMBAR 24:9

A kun i chiandeih bangin a bawk, Chiandeihpi a lo; aho nih dah an thawh ngam lai? Nanmah thluachuah an petu hna paoh cu thluachuakmi si ve hna seh law, Chiat an serhtu hna paoh cu chiat serh si ve hna seh,” tiah a ti.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

ROM 11:29

zeicahtiah Pathian nih cun a auhnak hna le laksawng a pekmi hna kongah a lung a let ṭhan bal lo.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

DEUTERONOMI 2:7

Zeitintiah Bawipa nan Pathian nih nan kut rianṭuannak vialte ah thluachuah an pek hna; hi ramlak kaupi chung i nan kalnak hi a hngalh ko; hi kum sawm li chung hi Bawipa nan Pathian cu nan sinah a um i zeihmanh nan bau lo,’ tiah a ka ti.

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

DEUTERONOMI 28:6

Nan luh leiah thluachuah nan hmu lai, nan chuah leiah thluachuah nan hmu lai.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

DEUTERONOMI 7:14

Miphun vialte hna nakin nannih cu thluachuah nan hmu deuh lai; nannih lakah nu siseh, pa siseh, a cingmi nan um lai lo, nan saṭil lak zongah, an um lai lo.