NAMBAR 21:7 - Lai (Hakha) Common Language Bible 2006

⁷ Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

NAMBAR 21:7 ပူးပေါင်းရင်းမြစ်များ

GENESIS 20:17

Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

2 SIANGPAHRANG 13:4

Khi tikah Jehoahaz nih Bawipa kha a nawl i, Israel mi an temhinnak, zeitindah Siria siangpahrang nih a hrem hna kha a hmuh caah, a bia kha a theihpiak.

JOB 42:10

Cucaah Bawipa nih Job cu a vanṭhatnak kha a pek ṭhan i a ngeihmi kha a let hnih in a pek ṭhan.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

SALM 78:34

Sihmanhsehlaw a cheu a thah hna tikah khan, a cheu cu amah leiah an i mer ve; an i ngaichih i amah sinah thla fak piin an cam.

EXODUS 10:17

Cucaah atu voi khatte hi cu, ka sualnak kha ka ngaithiam u law hi thihnak dantatnak hi Bawipa nan Pathian nih a ka ṭhialpiak nakhnga amah sinah cun thla ka campiak u,” a ti hna.

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?

EXODUS 32:30

A thaizing ah Moses nih mizapi cu a thawh hna i, “Ṭih a nung ngaingaimi sualnak nan tuah cang. Asinain Bawipa sinah tlang cungah ka hung kal lai i nan sual ngaihthiamnak ding kha ka hung hal lai, nan sualnak ngaihthiamnak cu a hmuh zong maw ka hei hmuh khawh phum,” a ti.

EXODUS 8:28

Faro nih cun, “Lamhlapi nan kal lo ding ahcun, thetse ram ah khan Bawipa nan Pathian sin i raithawi awkah cun kan kalter ko hna lai. Thla ka campiak tuah u,” a ti hna.

EXODUS 8:4

Nangmah siseh, na mi si hna seh, na bawi pawl si hna seh an in kaihnawh hna lai,” a ti,’ tiah va chim,” tiah a ti.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 37:3

Siangpahrang Zedekiah nih cun Shelemiah fapa Jehukal le Ma-aseiah fapa tlangbawi Zefaniah kha profet Jeremiah sinah a hei thlah hna i, “Bawipa kan Pathian sinah thla rak kan campiak tuah,” tiah a ti.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

NAMBAR 11:2

Cu tikah mi nih Moses cu an auh i, Moses nih Bawipa sinah thla a cam i mei cu a dai.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

LAMKALTU 8:24

Simon nih Peter cu a thawh i, “Na chimmi vialte hi pakhat hmanh ka cungah a tlun nakhnga lo Bawipa sinah thla ka campiak tuah,” tiah a ti.

ROM 10:1

Ka u le ka nau hna, ka phun hawi mi hi khamh si hna seh ti cu ka lungthin dihlak in ka duh hringhran ko. An caah Pathian sinah thla ka cam lengmang.

DEUTERONOMI 9:20

Cun Bawipa nih Aaron cungah a thin a hun tuk caah amah cu hrawh awkah aa tim; cun khi caan ah Aaron ca zongah thla ka cam colh.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

1 SAMUEL 15:24

Cun Saul nih Samuel sinah cun, “Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.

1 SAMUEL 15:30

Cun amah nih khan, “Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga,” tiah a ti.