NAMBAR 20:8 - Lai (Hakha) Common Language Bible 2006

⁸ Ṭhiangṭhunh kha i lak law, mibu kha pum tuah hna, nangmah he na u Aaron he, cun lungpi kha a ti chuahter dingin an hmaiah chim; cu bangin lungpi chungin an caah ti na chuahter lai; cu bangin mibu le an saṭil cu din awk na pek hna lai,” tiah a ti.

NAMBAR 20:8 ပူးပေါင်းရင်းမြစ်များ

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

NEHEMIAH 9:15

Cun an rawlṭamnak daihter awkah vancung in changreu na pek hna i an tihal riamhter awkah lungpi chungin ti na pek hna, cun annih cu pek awkin chiat na rak sermi ram ah khan va kal i va co awkah nangmah nih na chimh hna.

SALM 105:41

Lungpi kha a khuai i ti a chuak, thetse ram ah cun tiva bantukin a luang.

SALM 114:8

Amah nih cun lungpi kha tili ah a canter hna i lungpang kha cerhti put ah a canter hna.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

EXODUS 14:16

Na ṭhiangṭhunh kha hler law rili cungah khan na kut samh tuah, cun rili kha aa ṭhen lai i Israel mi cu rili chung khan vawlei ro cungin an kal kho lai.

EXODUS 17:9

Moses nih Joshua kha a thawh i, “Mi tlawmpal in i hril hna law thaizing ah Amalek mi kha va do hna u. Kei tu cu tlangpar ah khan ka dir lai i Pathian nih a ka pekmi ṭhiangṭhunh kha ka hler lai,” a ti.

EXODUS 4:17

Hi ṭhiangṭhunh hi i put, hi ṭhiangṭhunh hin khuaruahharnak na tuah hna lai,” a ti.

EXODUS 4:2

Bawipa nih cun, “Naa putmi kha zeidah a si?” a ti. Moses nih, “Ṭhiangṭhunh,” tiah a leh.

EXODUS 4:20

Moses nih a nupi le a fapa hna kha a lak hna i laa cungah a citter hna i Izipt ram ah khan an kir. Pathian nih a pekmi ṭhiangṭhunh kha aa put.

EXODUS 7:20

Moses le Aaron nih cun Bawipa nih a fial hna bang khan an tuah. Faro le a bawi hna hmaiah cun Aaron nih khan a ṭhiangṭhunh cu a hler i tiva kha a tuk, a chung ti vialte kha thisen ah an cang dih.

ISAIAH 43:20

Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.

NAMBAR 20:11

Cun Moses nih a kut a hler i lungpi cu a ṭhiangṭhunh khan voi hnih a tuk i ti tampi a chuak i mibu le an saṭil nih an din.

NAMBAR 20:7

Bawipa nih Moses sinah cun,

NAMBAR 21:15

Ar khua umnak tiang a phan i Moab ramri tiang a ṭum mi Nel hna tlangpang cu,”

NAMBAR 21:18

Bawi nih an cawhmi tikhor, Mi hna lak i milian nih An bawifung le an ṭhiangṭhunh in An cawhmi tikhor cu.” Cun ramlak cun Mattanah tiang an kal i,

MATTHAI 21:21

Jesuh nih cun, “Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, ‘I ṭhial law rili chungah i paih,’ nan ti ahcun aa ṭhial lai i aa paih ko lai.

LUKA 11:13

Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai,” tiah a ti.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

LAMKALTU 1:14

Thlacam awkah atu le atu a bu tein an i pum i an sinah cun nu hna le Jesuh nu Mary le Jesuh naule kha an um ve.

JOSHUA 6:20

Cucaah mi cu an au i muko cu tum an si. Mi nih muko thawng kha an theih cangka tein, mi cu fak piin an au i ralhau cu a tlu, cu caah anmah le an hmai zawn cio khan mi cu khua chungah cun an hung lut i khua cu an lak.

JOSHUA 6:5

Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.