NAMBAR 20:21 - Lai (Hakha) Common Language Bible 2006

²¹ Cu bangin Edom nih Israel cu a ram chung i lanh kha a thlauh; cu caah Israel nih amah kha a hrial.

NAMBAR 20:21 ပူးပေါင်းရင်းမြစ်များ

2 CHANRELNAK 20:10

Cun atu cu zohhmanh, Ammon mi hna le Moab mi hna le Seir Tlang mi hna, Israel mi hna nih Izipt ram in an chuah tikah tuk na thlauh hna ca i an hrial hna i an hrawh lomi hna nih khan

NAMBAR 21:23

Sihmanhsehlaw Sihon nih Israel cu a ram tanter kha a awnh duh hna lo. A mi vialte kha a pumh hna i ramlak ah Israel doh awkah cun a kal i Jahaz a phan i Israel kha a tuk.

NAMBAR 21:4

Hor Tlang in, Edom ram kha hrial awkah Rili Sen lam kha an tlaih i lam ah mi hna cu an ing a puang.

DEUTERONOMI 2:27

‘Na ram chungin ka lanhter tuah; lam lawnglawng kha ka zulh lai, orhlei ah siseh, kehlei ah siseh kaa mer lai lo.

DEUTERONOMI 2:29

Jordan ka tan i Bawipa kan Pathian nih a kan pekmi ram chungah ka luh hlantiang Seir ah a ummi Esau fapa hna le Ar ah a ummi Moab mi hna nih ka cungah an tuah bangin, ka ke in hei ka lanhter men ko,’ tiah ka ti.

DEUTERONOMI 23:7

“Edom mi cu nan hua hna lai lo, zeitintiah annih cu nan unau an si; Izipt mi cu nan hua hna lai lo, zeitintiah an ram ah mipem nan rak si.

BIACEIHTU 11:17

Cu tikah Israel mi nih Edom siangpahrang sinah lamkal an hei thlah hna i, ‘Na ram chungin kan kalter ko, tiah kan in nawl,’ an ti; sihmanhsehlaw Edom siangpahrang nih a ngai duh lo. Cun Moab siangpahrang sin zongah an hei thlah hna, sihmanhsehlaw a hna a tla duh lo. Cucaah Israel mi cu Kadesh ah an tang ko.

BIACEIHTU 11:18

Cun ramlak in an kal i Edom ram le Moab ram kha an vel hna i Arnon khattelei kamah an riak; sihmanhsehlaw Moab ram chungah an lut lo, zeitintiah Arnon cu Moab ramri a si.

BIACEIHTU 11:24

Na pathian Khemosh nih co awkah an pekmi kha na co awk cu a si hnga lo maw? Bawipa kan Pathian nih kan hmai in a pawnchuahmi vialte cu kannih nih kan co hna lai.