NAMBAR 20:20 - Lai (Hakha) Common Language Bible 2006

²⁰ Sihmanhsehlaw anih nih, “Na lan kho hnga lo,” tiah a ti. Cun Edom nih mi tampi le a ṭhawngmi ralkapbu he a chuahhnawh hna.

NAMBAR 20:20 ပူးပေါင်းရင်းမြစ်များ

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

GENESIS 32:6

Lamkaltu kha Jakob sin i an ra kir tikah, “Na u Esau sinah cun kan va kal i asinain nangmah ton awkah khan a rak i thawh cang. Mi za li aa ratpi hna,” an ti.

SALM 120:7

Kei nih daihnak ka chim paoh ah, annih nih dohnak an duh

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

NAMBAR 20:18

Sihmanhsehlaw Edom nih, “Na lan kho hnga lo, vainam he kan chuahhnawh sual hnga,” tiah a ti.

NAMBAR 20:21

Cu bangin Edom nih Israel cu a ram chung i lanh kha a thlauh; cu caah Israel nih amah kha a hrial.

BIACEIHTU 11:17

Cu tikah Israel mi nih Edom siangpahrang sinah lamkal an hei thlah hna i, ‘Na ram chungin kan kalter ko, tiah kan in nawl,’ an ti; sihmanhsehlaw Edom siangpahrang nih a ngai duh lo. Cun Moab siangpahrang sin zongah an hei thlah hna, sihmanhsehlaw a hna a tla duh lo. Cucaah Israel mi cu Kadesh ah an tang ko.

BIACEIHTU 11:20

Sihmanhsehlaw Sihon nih Israel mi hna cu a ram chungin kal awkah a zum hna lo; cucaah Sihon nih a mi vialte kha a pumh hna i Jahaz ah an riak i Israel mi kha an doh hna.