NAMBAR 20:1 - Lai (Hakha) Common Language Bible 2006

¹ Cun Israel mi hna cu, an bu ningin, thla khatnak thla ah Zin ramlak ah an lut i Kadesh ah an um; cu ka ah Miriam cu a thi i cu ka ah cun an vui.

NAMBAR 20:1 ပူးပေါင်းရင်းမြစ်များ

GENESIS 14:7

Cun an hun i mer i Kadesh ah khan an hung kir i Amelek mi hna ram vialte le Hazazontamar i a ummi Amor mi kha an tei hna (Kadesh cu Biaceihnak Cerhti ti zongah ti a si).

SALM 29:8

A aw nih thetse ram kha a hninh hna, Kadesh thetse ram kha a hninh in a hninh.

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

EXODUS 2:4

A unute nih a cungah zeidah a tlung te lai tiin lamhlat nawn khin a cawngh.

EXODUS 2:7

A farnute nih khan Faro fanu cu, “Hi ngakchia an zohkhenhpiaktu dingah Hebru minu pakhat in in auhpiak ning,” tiah a ti.

EZEKIEL 47:19

Thlanglei kam ramri cu Tamar in aa thawk lai i Kadesh pawng i a ummi Meribah ti tiang a phan lai; nannih pekmi ram cu Rili Ngan tiang a phan lai. Mah hihi Negeb leiah thlanglei kam cu a si.

MIKAH 6:4

Izipt ram in kan chuahpi hna, sal cannak ram in kan tlanh hna; Nanmah hruai awkah Moses le Aaron le Miriam kha ka thlah hna.

NAMBAR 12:1

Hezeroth i an um lioah khan, Miriam le Aaron nih Moses cu a ṭhitmi Kush minu ruangah khan an thangchiat; zeitintiah Kush minu cu a ṭhit caah.

NAMBAR 12:10

cun minmei cu thlam cung cun aa ṭhial tikah, zohhmanh, Miriam cu thinghmui zawtnak ngeimi a si ko, hawhra bantukin a rang. Cun Aaron cu Miriam leiah a hei i mer i zohhmanh, mithinghmui a si ko ai.

NAMBAR 12:15

Cu bangin Miriam cu riahhmun lengah ni sarih chuah a si i mi cu Miriam luh a si ṭhan hlantiang cu i thawh loin an um.

NAMBAR 13:21

Cu bangin an hung kal i ram cu an hung ngiat, Zin ramlak in Hamath luhnak Rehob tiang.

NAMBAR 13:26

Cun Paran ramlak i Kadesh ah cun Moses le Aaron le Israel mibu vialte sinah khan an ra phan i, an sin le zapi vialte sinah bia an rak phorh i cu ram theitlai cu an hmuhsak hna.

NAMBAR 20:16

cun kannih nih Bawipa kha kan auh tikah kan aw kha a theih i vancungmi pakhat a run thlah i Izipt ram in a kan chuahpi; atu cu hika ah hin na ramri i a ummi Kadesh khua ah kan um.

NAMBAR 20:22

Cun Kadesh in Israel mi hna cu an bu ning piin an chuak i Hor Tlang kha an phan.

NAMBAR 20:28

Cun Moses nih Aaron cu a puan kha a phoih hna i a fapa Eleazar kha a hrukter hna. Khika ah tlangpar ah cun Aaron cu a thi. Cun Moses le Eleazar cu tlang cungin an rung ṭum.

NAMBAR 26:59

Amram nupi min cu Levi fanu Jokhebed a si i Izipt ram ah Levi nih a hrinmi a si; cun Amram cu Aaron le Moses le an far Miriam a hrinpiak.

NAMBAR 27:14

zeitintiah Zin ramlak i mibu nih an zai lioah khan, an mithmuh ah, ti ah khan, keimah thangṭhat awk i ka bia kha na doh,” tiah a ti. (Hi ti cu Zin ramlak i a ummi Kadesh khua i Meribah ti kha an si.)

NAMBAR 33:36

Ezion-geber in an tho i Zin ramlak ah an riak (mah cucu Kadesh a si).

DEUTERONOMI 1:46

Cucaah Kadesh ah ni tampi nan um, nan cam chung cu caan saupi a si.

DEUTERONOMI 2:14

Cun Kadesh-barnea in kan i thawh i Zered varek kan tan tiang Bawipa nih annih sinah chiat a ser bangin, cu chan cu a ningpi in, cucu ralkap hna cu, riahhmun in an loh dih tiang, kum sawm thum le kum riat a si.

DEUTERONOMI 32:51

zeicahtiah Zin ramlak i Meribah-kadesh ti ah khan, Israel mi hna lakah khan, zumhawktlak loin nan ka umhnawh i, Israel mi hna lakah khan a thiangmi bantukin nan ka hmaizah lo.

BIACEIHTU 11:16

sihmanhsehlaw Izipt ram in an hung kai tikah Israel mi hna cu ramlak in Rili Sen ah an kal i Kadesh an phan.