NAMBAR 2:17 - Lai (Hakha) Common Language Bible 2006

¹⁷ “Cun tonnak thlam cu a pok lai, riahhmun hna laifang i Levi mi hna riahhmun he cun; riahhmun an khuar ning te khan an pok lai, anmah le an umnak ning ciote khan, alan pakhat hnu pakhat in.

NAMBAR 2:17 ပူးပေါင်းရင်းမြစ်များ

NAMBAR 10:17

Cun puan biakinn cu an ṭheh tikah, puan biakinn a putu hna Gershon fapa hna le Merari fapa hna kha an i thawh.

NAMBAR 10:21

Cun Kohath mi cu an i thawh i thil thiang kha an zawnh i an phanh hlanah puan biakinn kha an rak dirter cang.

NAMBAR 2:1

Bawipa nih Moses le Aaron cu a chawnh hna i hi bangin a ti.

NAMBAR 2:18

“Nitlaklei kam i a um hnga ding cu Efraim riahhmun alan a si lai, an bubu in, Efraim mi a hruitu hna cu Ammihud fapa Elishama a si,

NAMBAR 3:38

Cun puan biakinn hmailei nichuahlei, nichuak hoih tonnak thlam hmailei i riahhmun a khuar hnga ding cu Moses le Aaron le a fapa hna an si lai, Israel mi hna ca i tuah awk a simi paoh, hmunthiang chung i phunglam hna cu anmah rian a si lai; midang ahohmanh a ra naihmi paoh cu thah a si lai.

1 KORIN 14:40

asinain zei paohpaoh kha dawhte le ningcang tein tuah hna u.

KOLOSE 2:5

zeicahtiah ka pum in a dang ah um hmanh ning law ka thlarau cun nan sinah ka um ko i Khrih chung i a ummi nan zumhnak ah fek tein hmunkhat ah nan dir ti kha ka hmuh caah ka lung aa lawm.