NAMBAR 19:2 - Lai (Hakha) Common Language Bible 2006

² “Mah hihi Bawipa pekmi phungbia i a nawlbia cu a si: Israel mi kha nannih sinah cawla sen, soi awk zeihmanh a ngei lo i do a tlami, hngawngkual hlinh bal lomi cu, rak pu hna seh tiah chim hna u.

NAMBAR 19:2 ပူးပေါင်းရင်းမြစ်များ

EXODUS 12:5

Cu sa cu a bei lomi, hma zeihmanh a ngei lomi, kum khat a timi a si lai; tuu zong a si ah, meheh zong a si ah, a zeipaoh kha nan i thim khawh lai.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ṬAHNAK HLA 1:14

Ka palhnak cu ka cungah ṭem chih an si i Amah kut hrim nih ka velchum in a ngerh hna; A hngawngkual cu ka hngawng ah khan a ka khinh i A rih tuk caah ka tha nih a celh lo; Cu ti i a ka khinh bu cun Bawipa nih a ka kaltak i ka dir kho lo.

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

LEVITIKAS 14:6

A nungmi va cu sidar thing le thil sen le husop he a lak hna lai i ti luangmi cung i thahmi va thi chungah khan a nungmi va he cun a hnim hna lai;

NAMBAR 19:1

Cun Bawipa nih Moses le Aaron cu a chawnh hna i,

NAMBAR 19:6

tlangbawi nih cun sidar thing le husop le thil sen kha a lak hna lai i cawla khanghnak mei chungah cun a paih hna lai.

NAMBAR 31:21

Cun tlangbawi Eleazar nih raldohnak ah a kalmi ralkap hna sinah cun: “Mah hihi Bawipa nih Moses nawl a pekmi phungbia i nawlbia cu a si:

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

DEUTERONOMI 21:3

cun thahmi mipa a naih bik khua upa hna nih khan, cawla pakhat rian a ṭuan bal rih lo i hngawng kual zong banh a si bal rih lomi cu an lak lai.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

1 PETER 1:19

nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.

1 PETER 2:22

Sualnak zeihmanh a tuah lo, lih a chim bal lo.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

1 SAMUEL 6:7

Cucaah, cawleng thar pakhat le hnuk sur lio cawpi pahnih, leng a hnuk bal rih lomi kha la hna u law, cawpi kha leng ah banh hna u law, an fale tu kha cu inn ah hruaikanh hna u.