NAMBAR 18:7 - Lai (Hakha) Common Language Bible 2006

⁷ Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

NAMBAR 18:7 ပူးပေါင်းရင်းမြစ်များ

SALM 115:10

Pathian tlangbawi hna, Bawipa cu i bochan u, amah nih an bawmh hna i an huhphenh hna.

EXODUS 28:1

“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a ṭuantu ding an si.

EXODUS 29:9

taisawm kha na somh hna lai; cun an lu ah luchin kha na chinh hna lai. Zungzal a hmunmi ka nawlbia ningin annih cu tlangbawi an si lai. Aaron le a fapa hna na thianter hna ning cu hi bangin a si lai.

EZEKIEL 44:15

Sihmanhsehlaw Israel mi hna cu ka sinin lam an tlau tikah khan Levi miphun tlangbawi hna, Zadok innchungkhar chung mi a simi tu nih khan cun ka hmunthiang kha ṭha tein an zohkhenh; hi hna tu nih hin cun ka rian ṭuan awkah an ka naih lai. Anmah nih an ka tuammuai lai, sathau le sathi cu an ka pek lai, tiah Bawipa Pathian nih a ti.

EZEKIEL 44:16

Ka rian ṭuan awkah le ka fialmi hna tuah awkah ka hmunthiang chungah a lut i ka cabuai a naihmi cu anmah an si lai.

EZEKIEL 44:8

Ka thil thiang hna cu nanmah nih zohkhenh awk nan si nain hi hna tu hi ka hmunthiang zohkhenhtu ah khan nan chiah hna,” a ti.

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

LEVITIKAS 7:35

Bawipa sin i mei in thawinak hna chungin Aaron le a fapa hna nih an covo cu a si; mah cucu Bawipa tlangbawi rianṭuan awk ca i pek an si ni ah an sinah thianter a si;

NAMBAR 1:51

Puan biakinn cu kalpi awk a si tikah Levi mi nih an ṭheh lai i puan biakinn cu bunh awk a si tikah Levi mi nih an bunh lai; midang ahohmanh nih a ra naih ahcun, amah cu thah a si lai.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

NAMBAR 18:20

Cun Bawipa nih Aaron cu, “An ram chungah ro na ngei lai lo, annih lakah covo zong na ngei lai lo, keimah cu Israel mi hna lakah na vo le na ro ka si.

NAMBAR 18:3

Nangmah kha an in bultawl lai i thlam rian vialte zong kha an bultawl lai; sihmanhsehlaw hmunthiang umkheng si hna seh, biakṭheng siseh, an naih lai lo, anmah le nangmah zong nan thi sual hnga.

NAMBAR 3:10

Cun Aaron le a fapa hna cu rian na pek hna lai i an tlangbawi rian cu an ṭuan lai; sihmanhsehlaw midang ahohmanh nih a ra naih ahcun, amah cu thah a si lai,” tiah a ti.

NAMBAR 3:38

Cun puan biakinn hmailei nichuahlei, nichuak hoih tonnak thlam hmailei i riahhmun a khuar hnga ding cu Moses le Aaron le a fapa hna an si lai, Israel mi hna ca i tuah awk a simi paoh, hmunthiang chung i phunglam hna cu anmah rian a si lai; midang ahohmanh a ra naihmi paoh cu thah a si lai.

MATTHAI 10:8

A zawmi kha va damter hna u, mithi kha va thawhter hna u, thinghmui kha va thianter hna u, khuachia kha va ṭhawl hna u. Nannih nih man pek loin nan hmuh i man pek loin va pe ve hna u.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

DEUTERONOMI 18:2

An unau hna lakah ro an ngei lai lo; bia a kam hna bangin Bawipa cu an ro a si.

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

JOSHUA 18:7

Levi mi hna cu nannih lakah vo an ngei lo, zeitintiah Bawipa tlangbawi an sinak cu an ro a si; cun Gad le Reuben le Manasseh phun cheu nih khan Bawipa sal Moses nih a pekmi hna an vo cu Jordan nichuahlei ral ah khan an co cang,” tiah a ti.

1 PETER 5:2

Pathian nih an pekmi hna tuurun a khaltu kha si u law Pathian nih zohkhenh hna seh ti an duh hna bantukin lungtho lo si loin lungtho tein zohkhenh hna u. Ṭuan man hmuh ding men ah si loin ṭuan nan duh taktak ruang tu ah nan rian kha ṭuan u.

1 PETER 5:3

Nanmah zohkhenh awkah chiahmi hna kha a uk in uk hna hlah u, sihmanhsehlaw an i zohchun ding tu si i zuam u, tiah kan nawl hna.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.