NAMBAR 18:6 - Lai (Hakha) Common Language Bible 2006
6 Cun zohhmanh, nan unau Levi mi hna cu Israel mi hna chungin ka lak cang hna; annih cu tonnak thlam rianṭuan awk i Bawipa sin le nan sin i pekmi laksawng an si.
Izipt mi kha an lung ka hahter hna lai i rili chungah cun an dawi hna lai; cun Faro le a ralkapbu vialte le a rangleng hna cu ka tei hna lai i cu ka tei hnanak nih cun upatnak a ka pek lai.
Cun amah sin i a ṭuan ve dingah cun Dan phun chung mi Ahisamak fapa Oholiab kha ka thim cang fawn. Cun zungthiam dang vialte kha thiamnak phunphun ka pek hna i cucaah ser awk tiah kan chimhmi vialte kha an ser khawh hna lai.
Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?
“Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak cang hna. Levi mi cu keimah ta an si lai,
zeitintiah fater vialte cu keimah ta an si; Izipt ram chung i fater vialte ka thah hna ni ah khan Israel mi hna lak i fater vialte cu, minung siseh, saram siseh, keimah ca hrimhrim ah ka thianter hna; annih cu keimah ta an si lai: keimah cu Bawipa ka si,” tiah a ti.
“Levi mi hna cu Israel mi hna lak i fater vialte can ah la hna law, Levi mi saṭil hna cu an saṭil can ah la hna; cun Levi mi cu keimah ta an si lai: keimah cu Bawipa ka si.