NAMBAR 18:5 - Lai (Hakha) Common Language Bible 2006

⁵ Cun nannih nih hmunthiang rian le biakṭheng rian cu nan bultawl lai, Israel mi cungah thinhunnak a um ti nakhnga lo.

NAMBAR 18:5 ပူးပေါင်းရင်းမြစ်များ

1 CHANRELNAK 23:24

Mah hna hi Levi fapa hna, an pale chungkhar ning cio ah an si; annih cu an pa le chungkhar hna lu cio, Bawipa inn rian kha ṭuan awkah, min thlak a simi kum kul ri in a cunglei hna kha an si.

1 CHANRELNAK 23:32

Cuticun annih nih tonnak thlam le hmunthiang kha an zohkhenh hna lai i Bawipa inn rian ṭuannak ah khan an unau Aaron fapa hna kha an bawmh hna lai.”

1 CHANRELNAK 24:5

Annih cu an dihlak in aa lo cio ah, camcawhfung khiah in phawt an si, zeicahtiah Eleazar fapa hna le Ithamar fapa hna chungah khan Biakinn lei haotu hna le thlarau lei haotu hna kha an um veve.

1 CHANRELNAK 9:19

Shallum, amah cu Kore fapa, Kore cu Ebiasaf fapa, Ebiasaf cu Korah fapa, cun a pa innchungkhar a rualchan hna, Korah mi hna nih biaknak rian zohkhenhtu le thlam innkahram zohkhenhtu an si, an pupa hna cu Bawipa riahhmun zohkhenhtu le luhnak zohkhenhtu an rak si bang khan.

1 CHANRELNAK 9:23

Cucaah anmah le an fapa hna nih khan Bawipa inn kutka hna cu an zohkhenh hna, mah cucu thlam inn kha a si, annih cu a cawngtu an si.

1 CHANRELNAK 9:33

Hi hna hi hlasatu cu an si, annih cu Levi mi pale innchungkhar hna lu cio kha an si, annih cu biakinn chung dal ah khan an um, chun zan in rian thiah an si caah rian dang khan cun an luat.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

JEREMIAH 23:15

Cucaah profet hna kong ah Ralkapbu Bawipa nih, “Annih cu ei awkah anfangkha ka pek hna lai i Din awkah a khami sivai ka pek hna lai; Zeicahtiah Jerusalem profet hna sinin ram dihlak ah Pathian zeirellonak kha a karh cang,” tiah a ti.

EZEKIEL 44:15

Sihmanhsehlaw Israel mi hna cu ka sinin lam an tlau tikah khan Levi miphun tlangbawi hna, Zadok innchungkhar chung mi a simi tu nih khan cun ka hmunthiang kha ṭha tein an zohkhenh; hi hna tu nih hin cun ka rian ṭuan awkah an ka naih lai. Anmah nih an ka tuammuai lai, sathau le sathi cu an ka pek lai, tiah Bawipa Pathian nih a ti.

EZEKIEL 44:16

Ka rian ṭuan awkah le ka fialmi hna tuah awkah ka hmunthiang chungah a lut i ka cabuai a naihmi cu anmah an si lai.

LEVITIKAS 10:6

Cun Moses nih Aaron le a fapa hna Eleazar le Ithamar sinah, “Nan sam i thlah hlah u, nan puan kha thlek hna hlah u, nan thih sual i mibu dihlak cungah thinhunnak a rat sual nakhnga lo; sihmanhsehlaw Bawipa nih a kanghtermi mei kanghnak cu nan unau, Israel chungkhar dihlak nih khan, ṭah hna seh.

LEVITIKAS 24:3

Tonnak thlam chung biakamnak puanzar lengah khan Aaron nih a ningcang tein zanlei in zinglei tiang Bawipa hmaiah a chiah camcin lai; mah hihi nan techin fapar tiangin nawlbia a si lai.

ZEKHARIAH 10:3

Tuukhal hna cungah cun ka thin a hung, tuurun a hruitu hna cungah cun ka dantatnak kha ka tlunter lai; Sihmanhsehlaw ralkapbu Bawipa nih a tuurun, Judah innchungkhar kha a len hna lai i raltuknak rangtum ah a ser hna lai.

NAMBAR 1:50

sihmanhsehlaw Levi mi cu hngalhternak puan biakinn le a thilthuam vialte le a chung i a ummi thil vialte zohkhenhtu ah na chiah hna lai; annih nih puan biakinn le a thilthuam vialte an put awk le an zohkhenh awk a si lai i puan biakinn velchum ah cun riah hmun an khuar lai.

NAMBAR 1:53

sihmanhsehlaw Levi mi hna cu hngalhternak puan biakinn velchum ah riahhmun an khuar lai, Israel mi an bu cungah thinhunnak a um nakhnga lo; cun Levi mi nih hngalhternak puan biakinn cu an zohkhenh lai,” a ti.

NAMBAR 16:46

Cun Moses nih Aaron sinah, “Na meilaknak kha i lak law, biakṭheng cung mei kha a chungah chia tuah, zihmui phulh law, zokzok tein mibu sinah kalpi law, annih caah remnak serpiak hna; zeitintiah thinhunnak cu Bawipa sinin a chuak cang i rai kha a tlung cang,” tiah a ti.

NAMBAR 18:4

An in fonh lai i tonnak thlam cu thlam chung rian vialte ah an bultawl lai; cun a dang ahohmanh nan pawngah an ra lai lo.

NAMBAR 4:18

“Kohath chung hna phun cu Levi mi hna chungin lohter hna hlah u;

NAMBAR 8:19

Cun Israel mi hna lakin Levi mi hna cu tonnak thlam chung i Israel mi hna ca i rian ṭuan awkah le Israel mi hna ca i remnak ser awkah Aaron le a fapa hna sinah laksawng ah ka pek cang hna, zeicahtiah Israel mi nih hmunthiang pawng i an rat sual zongah Israel mi hna lakah rai a um nakhnga lo,” tiah a ti.

NAMBAR 8:2

“Aaron sinah, ‘Meiinn na van hna tikah, meiinn pasarih hna nih khan meiinn tung hmailei kha an ceuh awk a si lai,’ tiah va chim,” tiah a ti.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

1TIMOTE 3:15

Sihmanhsehlaw ka tlai sual a si ahcun hi ca nih hin zeitindah Pathian innchungkhar chungah kan umtu kan ziaza a si awk a si ti kha an chimh lai; Pathian innchungkhar cu a nungmi Pathian Khrihfabu, biatak a dirkamhtu le biatak i a tungpi kha a si.

1TIMOTE 5:21

Pathian le Khrih Jesuh le a thiangmi vancungmi hmaika ah, zei thil paoh na tuah tikah aho cung hmanh ah duhdanhnak zeihmanh um loin na tuah nakhnga hi cawnpiaknak hi va zul ko tiah kan nawl.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.