NAMBAR 18:2 - Lai (Hakha) Common Language Bible 2006

² Cun nangmah sinah na unau hna, Levi phun, na pa phun kha, ratpi hna law, nangmah kha an in fonh lai i nangmah he a ummi na fapa hna le nangmah cu hngalhternak thlam hmaiah nan um lioah an in bawmh hna lai.

NAMBAR 18:2 ပူးပေါင်းရင်းမြစ်များ

GENESIS 29:34

Fa a pawi ṭhan i fapa a hrin ṭhan. “Atu cu fapa pathum ka hrinpiak cang caah ka va hi ka sinah fek deuh in aa ṭem cang lai,” a ti i cucaah a min cu Levi a sak.

2 CHANRELNAK 30:16

Pathian mi Moses phungbia ning khan annih nih an umnak tawn hmun ah khan an um; Levi mi kut in an hmuhmi thisen cu tlangbawi hna nih khan an hlonh.

EZEKIEL 44:11

Biakinn kutka kha an zohkhenh hna lai i khika ah rian an ṭuan lai. Mi zapi ca i khangh thawinak hna le raithawinak hna kha anmah nih cun an thah hna lai i mi zapi caah cun rian kha an ṭuan lai.

EZEKIEL 44:15

Sihmanhsehlaw Israel mi hna cu ka sinin lam an tlau tikah khan Levi miphun tlangbawi hna, Zadok innchungkhar chung mi a simi tu nih khan cun ka hmunthiang kha ṭha tein an zohkhenh; hi hna tu nih hin cun ka rian ṭuan awkah an ka naih lai. Anmah nih an ka tuammuai lai, sathau le sathi cu an ka pek lai, tiah Bawipa Pathian nih a ti.

MALAKHI 2:4

Khi tikah hi biachahnak cu kan pek hna ti kha nan hngalh lai: Levi he biakamnak ka rak sermi cu vawlei ah a ril cang, tiah ralkapbu Bawipa nih a ti.

NAMBAR 1:53

sihmanhsehlaw Levi mi hna cu hngalhternak puan biakinn velchum ah riahhmun an khuar lai, Israel mi an bu cungah thinhunnak a um nakhnga lo; cun Levi mi nih hngalhternak puan biakinn cu an zohkhenh lai,” a ti.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

NAMBAR 17:7

Cun Moses nih hngalhternak thlam chungah khan Bawipa hmaiah ṭhiangṭhunh cu a chiah hna.

NAMBAR 18:4

An in fonh lai i tonnak thlam cu thlam chung rian vialte ah an bultawl lai; cun a dang ahohmanh nan pawngah an ra lai lo.

NAMBAR 3:5

Cun Bawipa nih Moses cu a chawnh i,

NAMBAR 4:15

Cun Aaron le a fapa hna nih hmunthiang le hmunthiang thilthuam vialte cu an khuh dih tikah, riahhmun cun aa thawh lioah, cu hnuah Kohath fapa hna cu mah hna hi zawnh awkah an ra lai, sihmanhsehlaw thil thiang kha an tawng hrimhrim hna lai lo, an thi sual hnga. Mah hna hi tonnak thlam thilri Kohath fapa hna nih an i zawnh awk hnga cu an si.

NAMBAR 8:19

Cun Israel mi hna lakin Levi mi hna cu tonnak thlam chung i Israel mi hna ca i rian ṭuan awkah le Israel mi hna ca i remnak ser awkah Aaron le a fapa hna sinah laksawng ah ka pek cang hna, zeicahtiah Israel mi nih hmunthiang pawng i an rat sual zongah Israel mi hna lakah rai a um nakhnga lo,” tiah a ti.

NAMBAR 8:22

Cun cu hnuah cun Levi mi hna cu tonnak thlam chung i Aaron le a fapa hna hmai i an rianṭuan awkah an lut; Bawipa nih Levi mi hna kongah Moses nawl a pek bangin, cu bangin annih cungah an tuah.

HEBRU 9:6

Thil umtuning cu hitihin a si: Lenglei thlam chungah khan tlangbawi hna cu an rian ṭuan awkah ni fate in an lut lengmang;