NAMBAR 18:12 - Lai (Hakha) Common Language Bible 2006

¹² Chiti lakah a ṭha bik le mitsur hang le tirawl lakah a ṭha bik, Bawipa sinah an pekmi thei tlaiter hna cu, nangmah kan pek.

NAMBAR 18:12 ပူးပေါင်းရင်းမြစ်များ

GENESIS 27:28

Pathian nih van dap kha in pe seh law na lo kha ṭhatser hna seh. Rawl tampi le mitsur zu tam piin in pe seh.

2 SIANGPAHRANG 4:42

Baal-shalisha in mipa pakhat a ra i Pathian mi cu thlai thar, barli changreu tlang kul le rawl thar a sawngkhoi in a rak put. Cun Elisha nih, “Mi kha pe hna, ei hna seh,” tiah a ti.

2 CHANRELNAK 31:5

Nawlbia cu ka kip ah an thanh tikah Israel mi nih tampi in rawl thar hmasa hna le mitsur hang le chiti le khuaihliti le lo in a chuakmi vialte kha an thawh i zeizong kip cheu hra cheu khat kha tam piin an rak put.

SALM 147:14

Na ramri kha him tein a umter hna i changvut ṭha bikbik in na paw an khimter.

SALM 81:16

Changvut ṭha bik in ka

EXODUS 22:29

“Rawl nan hmuhmi chungin siseh, chiti le mitsur hang nan hmuhmi chungin siseh, keimah ca thawhlawm pek kha duh loin um hlah u. “Nan fapa nan hrin hmasa bikmi hna kha nan ka pek lai.

EXODUS 23:19

“Rawl nan ṭuan hmasa bikmi chung i a ṭha bikbik kha Bawipa nan Pathian inn chungah nan rak put lai. “Tuufa kha a nu hnuk in nan chuang lai lo.

EXODUS 34:26

“Nan lo chungin a chuakmi theitlai hmasa bik lak i a ṭha bik kha Bawipa inn ah nan rak put lai. “Tuufa cu a nu hnuk in nan chuang lai lo,” a ti.

EZEKIEL 44:30

Theitlai hmasa bik hna lak i hmasa bik hna le nan thawhlawm zeizong phun zakip vialte cu a ning piin tlangbawi hna ta a si lai. Nan inn chungah thluachuahnak a cam khawh nakhnga changreu ca nawnmi chang a hmasa bik hlum cu tlangbawi kha nan pek hna lai.

LEVITIKAS 2:12

Theitlai hmasa bik thawinak caah cun Bawipa sinah nan rak put ko hna lai, sihmanhsehlaw rimthaw caah cun biakṭheng cungah nan khang hna lai lo.

LEVITIKAS 2:14

“Bawipa sinah theitlai hmasa bik hna changvut thawinak nan pek ahcun, nan theitlai hmasa bik hna changvut thawinak caah cun a voi tharmi chungin lakmi, mei in reu i rialmi fang nan pek lai.

LEVITIKAS 23:17

Nan umnak hna khan hninh awkah, ephah cheu hra cheu hnih in sermi changreu hlum hnih nan rak put lai; changvut dip in sermi an si lai i thilnu he rawhmi an si lai, Bawipa ca i theitlai hmasa bik hna caah an si lai.

LEVITIKAS 23:20

Tlangbawi nih theitlai hmasa bik changreu he cun Bawipa hmai i hninh thawinak caah cun tuufa pahnih he cun a hninh hna lai; Bawipa ca i a thiangmi, tlangbawi vo an si lai.

DEUTERONOMI 18:3

Cun mah hihi raithawinak a pechanmi hna sinin tlangbawi nih an hmuh awk hnga cu a si lai, cawtum siseh, tuu siseh: tlangbawi cu a liang le a bel pahnih le a pawpi an pek lai.

DEUTERONOMI 18:4

Nan rawl in siseh, nan mitsur hang in siseh, nan chiti in siseh, theitlai hmasa bik hna le nan tuuhmul meh hmasa bik hna cu nan pek lai.

DEUTERONOMI 26:2

Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

DEUTERONOMI 32:14

Cawrun chung hnuk khal, Tuurun chung tuuhnuk, Tuufa hna thau le tuukawng hna thau, Bashan ram cawrun le meheh hna cu, Changvut lak i a ṭha bik he na ei hna i Mitsur hang thisen cu na din.