NAMBAR 18:1 - Lai (Hakha) Common Language Bible 2006

¹ Cucaah Bawipa nih Aaron cu a chawnh i, “Nangmah le na fapale hna le na phunhawi hna nih hmunthiang he a pehtlai in ṭhat lonak cu nan in lai; cun nangmah le na fapale hna nih tlangbawi nan sinak he aa pehtlai in ṭhat lonak cu nan in lai.

NAMBAR 18:1 ပူးပေါင်းရင်းမြစ်များ

EXODUS 28:38

Aaron nih khan cucu a cal ah a chiah lai i Israel mi nih Bawipa an pekchanhmi thawinak ah khan ṭhat lonak a um sual ahcun, cuticun cu ṭhat lonak cu ngaihthiam a si lai. Cucu Aaron nih khan a cal ah aa ponh zungzal awk a si lai, zeicahtiah cu ti a tuahnak thawng cun Bawipa nih an pekchanhmi kha a cohlanpiak hna lai.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

EZEKIEL 4:4

“Cun atu cu na kehlei hrap in it tuah, Israel mi hna ṭhat lonak cu na cungah ka chiah lai; na kehlei hrap in na ih chung caan kha an ṭhat lonak cu na in lai.

LEVITIKAS 10:17

“Zeicahdah sual thawinak cu hmunthiang chungah nan ei lo? A thiang bik thil mi zapi ṭhat lonak phortu ding i Bawipa hmai i remnak serpiaknak ca i mah cucu nannih kha pekmi a si ṭung!

LEVITIKAS 22:16

cu bantuk tuahnak in ṭhat lonak le mawhnak an thil thiang an ei hna thawngin an cungah i tlunhter hna hlah seh: zeitintiah keimah cu a thiantertu hna Bawipa cu ka si,” tiah a ti.

LEVITIKAS 22:9

Biakinn cu an thurhhnawmh ruangah sual an huah i a chungah an thih sual nakhnga lo, ka nawlbia cu an ulh lai, keimah cu Bawipa ka si, keimah nih ka thianter hna.

NAMBAR 14:34

Ram kha nan hung ngiatthlai ni zat khan, ni sawm li, ni khat caah kum khat, nan ṭhat lonak kha nan in lai, kum sawm li, cun ka lunglawmh lonak kha zeidah a lawh ti kha nan hngalh lai,’ a ti.

NAMBAR 16:10

Amah naih ah nanmah le nan unau Levi fapale hna cu nanmah he an kalpi hna hi, thil tetuai maw a si? Tlangbawi rian zong nan banh rih lai maw?

NAMBAR 17:13

A ra naihmi paoh cu, Bawipa puan biakinn a ra naihmi paoh cu, an thi lai. Kan dihlak in kan thi ko lai maw?” tiah an ti.

NAMBAR 17:3

Levi ṭhiangṭhunh cungah cun Aaron min na ṭial lai. Zeitintiah, phun khat lu cio caah khan ṭhangṭhunh pakhat a si lai.

NAMBAR 17:7

Cun Moses nih hngalhternak thlam chungah khan Bawipa hmaiah ṭhiangṭhunh cu a chiah hna.

NAMBAR 18:11

Mah zong hi na ta a si lai, an laksawng an pekchanhmi, Israel mi hna hninh thawinak vialte cu; mah hna hi nangmah le na fapa hna le na fanu hna sinah nan hmuh camcin awkah kan pek cang hna; na inn chung i a thiangmi paoh nih an ei khawh lai.

NAMBAR 3:6

“Levi phun cu nai ah ratpi hna law, tlangbawi Aaron hmaiah chia hna, amah cu bultawl hna seh.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

BIACEIHTU 17:12

Cun Mikah nih Levi mipa cu a thianter i tlangval cu a tlangbawi ah cun a cang i Mikah inn ah cun a um.