NAMBAR 16:5 - Lai (Hakha) Common Language Bible 2006

⁵ Korah le a hawile vialte cu, “Zinglei ah Bawipa nih ahodah amah ta a si i ahodah a thiang ti kha a langhter lai i a pawngah a ratter lai. Amah nih a thimmi cu amah naih ah a ratter lai.

NAMBAR 16:5 ပူးပေါင်းရင်းမြစ်များ

SALM 105:26

Cun a sal Moses le a thimmi Aaron kha a thlah hna.

SALM 115:10

Pathian tlangbawi hna, Bawipa cu i bochan u, amah nih an bawmh hna i an huhphenh hna.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

EXODUS 28:1

“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a ṭuantu ding an si.

EXODUS 28:41

Hi thuam hi na u Aaron le a fapa hna cu na hrukter hna lai. Cun chiti na toih hna lai, na thleidan hna lai i na thianter hna lai, cun ka tlangbawi rian kha an ṭuan lai.

EXODUS 28:43

Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.

JEREMIAH 30:21

Anmah chung mi kha an uktu ah a chuak lai i Anmah mi hrimhrim kha an bawi ah a si lai. Ahohmanh nih anmah tein an ka naih ngam bal lo caah, Keimah nih amah cu, ka naih, tiah ka ti lai i a ka naih lai, tiah Bawipa nih a ti.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

JEREMIAH 50:44

Zohhmanh, Jordan tiva kam tupi chungin a chuak i zungzal in a hringmi saṭil tlonnak ram lakah a ra chuakmi chiandeih bantukin, Keimah nih mi vialte kha ka dawi dih hna lai i Tuukawng ṭha bikbik kha ka tlaih dih hna lai. Zeicahtiah keimah bantuk hi ahodah a um? Keimah tluk hi ahodah a um? Tuukhal aho tal ka hmaiah a dir khomi an um maw?

EZEKIEL 40:46

Chaklei a hoihmi khaan hi biakṭheng a zohkhenhtu hna tlangbawi hna caah a si; hi tlangbawi hna cu Zadok fapale kha an si i Levi miphun chungah khan anmah lawnglawng hi Bawipa rian ṭuan awkah a pawngah a ra ding cu an si.

EZEKIEL 43:19

Levi tlangbawi, Zadok tefa hna lawng kha ka rian ṭuan awkah ka pawngah an ra lai, tiah Bawipa Pathian nih a ti. Annih cu sual thawinak caah cawtum no pakhat na phawt hna lai;

EZEKIEL 45:4

Hi hmun cu hmun thiang chung i rian a ṭuanmi tlangbawi hna le Bawipa rian ṭuannak i cuka hmun naih bik i a rami hna caah a si. Cu chungah cun an inn ca hmun le hmun thiang ca i a thiangmi hmun kha an i tel lai.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

NAMBAR 16:6

Mah hihi tuah u, Korah le a hawile vialte hna:

NAMBAR 17:5

Cun ka thimmipa i a ṭhiangṭhunh cu a corh lai; cu bangin Israel mi hna phunzainak, nangmah cung i an phunzainak cu, ka sinin ka daihter lai,” tiah a ti.

NAMBAR 17:8

Cun, a thaizing ah Moses nih hngalhternak thlam chungah a lut i zohhmanh, Levi phun ca i Aaron ṭhiangṭhunh cu a rak corh i a kuhkulul an chuak i an par i almond thei a hminmi an rak tlai.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

LAMKALTU 1:2

a tuahmi thil vialte le a cawnpiaknak vialte kha ka ṭial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

LAMKALTU 13:2

Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

LAMKALTU 15:7

Saupi an ceih hnuah Peter a dir i, “Ka u le ka nau hna, nannih nih nan hngalh bantukin, Jentail mi hna nih Thawng Ṭha kha an theih i an zumh khawh ve nakhnga, an sin i cu Thawng cu va chim awkah hlan deuhpi ah khan Pathian nih keimah cu nanmah lakin a rak ka thim.

LAMKALTU 22:14

Aa thawh i, ‘Kan pupa hna Pathian nih nangmah cu a duhnak kha hngalhter awk le a dingmi a Sal kha hmuh awkah, amah aw hrim in a chimmi bia kha theih awkah an thim.

EFESA 2:13

Sihmanhsehlaw atu cu Khrih Jesuh he nan i pehtlaihnak thawngin lamhlatpi i a rak um tawnmi kha Khrih thihnak nih lamnaite ah an chiah cang hna.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.