NAMBAR 15:4 - Lai (Hakha) Common Language Bible 2006

⁴ cu tikah Bawipa sinah a pekchanhnak a petu paoh nih changvut pekchanhnak i changvut dip ephah cheu hra cheu khat, chiti hin cheu li cheu khat he cawhmi kha a pek lai;

NAMBAR 15:4 ပူးပေါင်းရင်းမြစ်များ

EZRA 7:17

Hi tangka hin fel tein cawtum hna le tuukawng hna le tuufa hna kha an changvut thawinak hna le an thlet thawinak hna he tiah na cawk hna lai i na Pathian inn Jerusalem i a ummi biakṭheng cungah cun na pekchanh hna lai.

EXODUS 29:40

Tuufa pakhatnak sinah cun changvut dip pawng hra, chiti pawng li he cawhmi kha nan thawi chih lai. Cun dinmi thawinak caah mitsur zu pawng li zong nan thawi chih fawn lai.

ISAIAH 66:20

Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

EZEKIEL 46:14

Cu sinah cun rawl thawinak caah zing fate in ephah cheu ruk cheu khat kha nan thawh chih lai i changvut nawnnak caah chiti hin cheu thum cheu khat zong nan thawh chih fawn lai; Bawipa ca i rawl thawinak hi zeitik caan paoh ca i nan tuah lai tiah timi a si.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 14:10

“Cun ni riat ni ah do a tlami tuufa a pa pahnih le tuufa a nu pakhat kum khat a simi do a tlami le changvut thawinak i changvut dip ephah cheu hra cheu thum chiti he cawhmi le chiti thawl khat a lak lai.

LEVITIKAS 2:1

“Ahohmanh nih changvut thawinak kha Bawipa sin i thawinak ah a rak put tikah, a pekchanhmi cu changvut dipmite a si lai; chiti a toih lai i frankinsen a toih lai i

LEVITIKAS 2:15

Cun chiti nan toih lai i frankinsen nan toih ve lai; mah cucu changvut thawinak pakhat a si.

LEVITIKAS 23:13

Cun cu he a si ṭimi changvut thawinak cu changvut dip ephah cheu hra cheu hnih, chiti he cawhmi, Bawipa sinah mei in thawi awk rimthaw cu a si lai; cun cu he a si ṭimi thlet thawinak cu mitsur hang hin cheu li cheu khat a si lai.

LEVITIKAS 3:7

A pekchanhmi cu tuufa a si ahcun Bawipa hmaiah a pek lai.

LEVITIKAS 6:14

“Cun mah hihi changvut thawinak phunglam a si. Aaron fapa hna nih Bawipa hmaika ah biakṭheng hmaiah an pekchanh lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

NAMBAR 28:12

cun cawtum pakhat veve caah changvut thawinak ca i chiti he cawhmi changvut dip ephah cheu hra cheu thum zong; cun tuukawng pakhat caah cun changvut thawinak ca i chiti he cawhmi changvut dip cheu hra cheu hnih;

NAMBAR 28:4

Tuufa pakhat cu zinglei ah nan thawi lai i a dang tuufa pakhat cu zanlei ah nan thawi lai;

NAMBAR 29:6

mah hna hi, thlapa thar i khangh thawinak le a changvut thawinak le tlai hlan khangh thawinak le a changvut thawinak le an thlet thawinak an phunglam ningin, rimthaw Bawipa sin i mei in pekchanhmi hleiah an si.

NAMBAR 7:13

a pekchanhmi thil cu mah hi an si, ngun kheng pakhat shekel za khat le sawm thum a ritmi, ngun pakan kuar pakhat shekel sawm sarih a ritmi, hmunthiang shekel ningin; an pahnih in changvut thawinak ca i chiti cawhmi changvut dip a khat veve in;

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

HEBRU 13:16

Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

BIACEIHTU 9:9

Sihmanhsehlaw oliv kung nih cun, ‘Minung le pathian hna nih upatnak an hmuhnak ka thau hi kaltak in thingkung hna cung i kui len awkah ka kal hnga maw?’ tiah a ti hna.