NAMBAR 15:3 - Lai (Hakha) Common Language Bible 2006

³ Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

NAMBAR 15:3 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

EZRA 7:17

Hi tangka hin fel tein cawtum hna le tuukawng hna le tuufa hna kha an changvut thawinak hna le an thlet thawinak hna he tiah na cawk hna lai i na Pathian inn Jerusalem i a ummi biakṭheng cungah cun na pekchanh hna lai.

SALM 54:6

Bawipa, nangmah cu na ṭhat caah lunglawm tein thawinak cu kan pek lai i na sinah lawmhnak ka langhter lai.

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

EXODUS 29:25

Cun rawl cu an kut chung khan na lak hna lai i khangh thawinak cungah khan biakṭheng cungah na khangh hna lai. Cu ti na tuah cu Bawipa duhmi rim thaw um seh ti caah a si; cu thawinak cu Bawipa sinah pekmi thawinak mei in khanghmi thawinak a si.

EXODUS 29:41

Tuufa pahnihnak cu zanlei ah nan thawi lai i zinglei i nan thawimi bantuk khan ei awk thawimi le din awk thawinak kha nan pekchanh chih hna lai. Cun cu rim thaw, Bawipa sinah mei in khanghmi thawinak kha a si.

LEVITIKAS 10:13

Bawipa sinah mei in pekmi thawinak hna chungin nangmah le na fapa hna vo a simi kha, nawlpek nan si bangin hmunthiang ah nan ei lai.

LEVITIKAS 27:2

“Israel mi cu hi bangin va chim hna. Mipa pakhatkhat cu a hleikhun in Bawipa sinah tuahmi biakamnak ruangah Bawipa sinah pek a si ahcun,

LEVITIKAS 7:16

Sihmanhsehlaw a pekchanhmi thawinak cu biakam thawinak siseh, mah lungtho tein thawinak siseh a si ahcun, thawinak a tuah ni ah ei a si lai i a tangmi cu a thaizing zongah ei a si lai,

NAMBAR 28:27

sihmanhsehlaw Bawipa sinah khangh thawinak rimthawmi cu nan pekchanh lai: cawtum no pahnih, tuukawng pakhat, kum khat a timi tuufa a pa pasarih;

NAMBAR 29:8

sihmanhsehlaw Bawipa sinah rimthaw khangh thawinak nan pekchanh lai: cawtum no pakhat, tuukawng pakhat, kum khat a timi tuufa a pa pasarih; nannih caah do a tlami kha an si lai;

NAMBAR 6:15

cun thilnu telh lo changreu bawm khat, chiti he cawhmi changvut dip in sermi changreu hlum hna le changreu a per tete chiti thuhmi le an changvut thawinak hna le an thlet thawinak hna an si lai.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

2 KORIN 2:15

Cucaah kannih cu Khrih nih Pathian sinah a pekchanhmi rimthaw zihmui bantuk kan si, cu zihmui cu khamh lio lengmangmi hna sin zong a phan i a tlau lio lengmangmi hna sin zong a phan.

2 KORIN 2:16

A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:17

Nan rawl, nan mitsur hang le nan chiti chungin cheu hra cheu khat siseh, nan saṭil run chung le nan tuurun chung i fater si hna seh, bia nan i kammi nan biakamnak pekchanhnak si hna seh, mah lungthote nan pekchanhnak si hna seh, nan pekchanhmi pekchanhnak si hna seh, nanmah nan khua chungah nan ei hna lai lo;

DEUTERONOMI 12:6

khika ah nan kal lai i khika ah nan khangh thawinak hna le nan raithawinak hna le nan cheu hra cheu khat hna le nan pekchanhmi pekchanhnak hna le, nan biakamnak pekchanhnak hna le nan mah lungthote pekchanhnak hna le nan saṭil run chung le nan tuurun chung i fater hna cu nan rak put hna lai;

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.