NAMBAR 14:3 - Lai (Hakha) Common Language Bible 2006

³ Zeicahdah Bawipa nih hi ram chungah hin vainam in thih awkah a kan luhpi hnga? Kan nupile hna le kan ngakchia hna hi tlaihkhih awk men an si lai; Izipt ah kir ṭhan u si law, kan caah a ṭha deuh hnga lo maw?” tiah an ti.

NAMBAR 14:3 ပူးပေါင်းရင်းမြစ်များ

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

SALM 78:40

Voi zeizat riamruam dik amah kha ramcar chungah khan an doh; voi zeizat riamruam dik a ngaih an chiatter!

EXODUS 16:3

“Bawipa nih Izipt ram ah khan rak kan that lawlaw seh law kan duh deuh hnga. Izipt ram ah khan cun sa um hram ah khan kan ṭhu i kan duh zat in rawl kan ei. Sihmanhsehlaw atu cu hi ramcar chungah hin nan kan chuahpi i rawlṭam in kan thi dih cang lai,” an ti.

EXODUS 5:21

Moses le Aaron cu an thawh hna i, “Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna,” an ti hna.

JEREMIAH 42:14

Izipt ram tu ah kan kal ko lai, khika ah cun ral dohnak kha kan hmu ti lai lo i muko aw thawng kha kan thei ti lai lo, rawl um lo ruangah rawlṭam in kan um lai lo i

JEREMIAH 42:19

Cun Jerimiah nih a bia cu a peh i, “Nannih Judah ram chung i a tangmi hna, Bawipa nih Izipt ram i kal lo awkah an chimh hna. Cucaah nan palh ngaingai caah

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

NAMBAR 11:20

sihmanhsehlaw thla khat ning piin nan ei lai, nan hnarkua i a chuah i nan ca i fihnung a si tiangin, zeicahtiah nan lak i a ummi Bawipa cu nan hlawt i a hmaiah, “Zeicahhen Izipt ram khan kan rak chuah,” tiin nan ṭah caah,’ tiah ti hna,” tiah a ti.

NAMBAR 16:13

Ramcar chung i kannih kha thah awkah cawhnuk le khuaihliti in a luangmi ram in na kan chuahpi hi, thil hme tuai a si maw, kannih cung i bawi i naa ser zong hi?

NAMBAR 20:3

Cun mi nih Moses cu bia an chuah i, “Kan unau hna Bawipa hmai i an rak thih ah khan zeicahdik kan rak thih ve ko lo!

NAMBAR 21:5

Cun mi hna nih cun Pathian le Moses kha an zaihnawh hna i, “Zeicaahdah ramlak i thih awkah hin Izipt ram in nan kan chuahpi? Zeitintiah rawl a um lo, ti a um lo i, hi rawl ṭhalo hi cu kan fih,” tiah an ti.

LAMKALTU 7:39

“Sihmanhsehlaw kan pu le kan pa hna nih khan an hlawt i Izipt ram i vung kir ṭhan tu kha an duh deuh.

DEUTERONOMI 1:39

Cuhleiah nan ngakchia, hranchaw ah an cang lai nan timi hna le, atu ah chia le ṭha a hngal lomi nan fale hna cu, khika ah an lut lai i annih cu ka pek hna lai i annih nih an co lai.