NAMBAR 14:2 - Lai (Hakha) Common Language Bible 2006

² Cun Israel mi vialte nih Moses le Aaron cu an zaihnawh hna; an bu ningin annih sinah, “Izipt ram ah khan rak thi u si law, a ṭha deuh hnga! Asiloah ramcar chungah hin hei thi dih ko u si law, a ṭha deuh hnga!

NAMBAR 14:2 ပူးပေါင်းရင်းမြစ်များ

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

JOB 3:11

Zeicahdah ka chuah ah khan ka rak thih ko lo? Paw chungin ka chuah ah khan ka thaw a rak dongh ko lo?

SALM 106:24

Ram nuam kha zeirello in an um i bia a kamhmi hna kha an zum lo;

SALM 106:25

an thlam chungah khan an um i an zai, Bawipa bia kha an ngai duh lo.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

EXODUS 14:11

Moses cu an thawh i, “Izipt ram i thlan a um lo caah maw thetse ram i thih awkah hin na kan chuahpi? Izipt ram in na kan chuahpi hi zeidah a si ti cu zoh tuah ngat!

EXODUS 15:24

Moses cungah khan an zai i, “Zeidah kan din lai?” an ti.

EXODUS 17:3

Sihmanhsehlaw mi cu an ti a hal tuk i Moses cu an zaihnawh i, “Zeicahdah Izipt ram khan na kan chuahpi? Kanmah he kan fale he kan saṭil he ti haal in thah awkah maw na kan chuahpi?” an ti.

JONAH 4:3

Cucaah cun atu cu ka that ko. Ka caah hin nun nakin thih a ṭha deuh,” tiah a ti.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

NAMBAR 11:1

Cun mi hna nih cun Bawipa theih ah sifah retheih an innak ruangah khan an zai; mah cucu Bawipa nih a theih tikah a thinhunnak cu a alh i Bawipa mei cu annih lakah a kang i riahhmun kikam i a ummi riahbuk a cheu khat hna cu an kang dih.

NAMBAR 11:15

Mahtihin na ka tuah ding a si ahcun, hmakhatte ah ka that ko, na mithmai ah velngeihnak ka hmuh a si ahcun, ka retheihnak kha ka hmuhter hlah,” tiah a ti.

NAMBAR 11:5

Man lo i Izipt ram i ngasa kan ei le zil le phazeti le purun le piat le vankhawng kha kan hei ngai hna dah;

NAMBAR 14:1

Cun aa pummi vialte hna cu fak piin an ṭap i cu zan cu mi hna cu an ṭap dih.

NAMBAR 14:22

ahohmanh, Izipt ram chung le ramcar chung i ka tuahmi ka sunparnak le ka hmelchunhnak a hmu i, sihmanhsehlaw hi voi hra tiang a ka hneksak i ka aw a ngai lomi cu,

NAMBAR 16:13

Ramcar chung i kannih kha thah awkah cawhnuk le khuaihliti in a luangmi ram in na kan chuahpi hi, thil hme tuai a si maw, kannih cung i bawi i naa ser zong hi?

NAMBAR 16:41

Sihmanhsehlaw a thaizing ah Israel mi nih an bu ningin Moses le Aaron cungah an zai i, “Bawipa mi kha nan thah hna,” tiah an ti.

NAMBAR 17:6

Moses nih Israel mi cu a chimh hna i an hruaitu vialte nih ṭhiangṭhunh cu an pek, hruaitu pakhat caah pakhat, an phun cio ning in, ṭhiangṭhunh hleihnih; Aaron ṭhiangṭhunh cu an ṭhiangṭhunh hna lakah a tel ve.

NAMBAR 20:2

Cun cu mibu caah cun ti a um lo i Moses le Aaron cu an pumhhnawh hna.

NAMBAR 20:3

Cun mi nih Moses cu bia an chuah i, “Kan unau hna Bawipa hmai i an rak thih ah khan zeicahdik kan rak thih ve ko lo!

NAMBAR 20:4

Zeicaahdah Bawipa mibu cu ramlak ah hin na kan luhpi i hika ah hin kanmah he kan saṭil he kan thih ko lai?

NAMBAR 21:5

Cun mi hna nih cun Pathian le Moses kha an zaihnawh hna i, “Zeicaahdah ramlak i thih awkah hin Izipt ram in nan kan chuahpi? Zeitintiah rawl a um lo, ti a um lo i, hi rawl ṭhalo hi cu kan fih,” tiah an ti.

1 KORIN 10:10

A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

DEUTERONOMI 1:27

Nan thlam chungah nan phunzai i, ‘Bawipa nih a kan huat caah kannih kha hrawh awkah, Amor mi hna kut chungah pek awkah Izipt ram in a kan chuahpi.

DEUTERONOMI 9:23

Cun Bawipa nih Kadesh-barnea in an thlah hna i, ‘Hung kal u law, kan pekmi hna ram cu hung umhnawh tuah u,’ tiah an ti hna tikah khan, nannih nih Bawipa nan Pathian nawlbia cu nan ralchanh i amah kha nan zum lo, a aw zong nan ngai lo.

HEBRU 3:16

Ahodah Pathian aw cu a rak thei i Pathian a rak dohmi cu an si? Moses nih Izipt ram in a chuahpimi vialte kha an si ko.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.