NAMBAR 13:2 - Lai (Hakha) Common Language Bible 2006

² “Israel mi ka pekmi hna Kanaan ram va ngiatthlai awkah mi thlah hna; an pa le phun, phun khat cio khan, pakhat cio na thlah hna lai, anmah lak i hruaitu cio an si lai,” tiah a ti.

NAMBAR 13:2 ပူးပေါင်းရင်းမြစ်များ

EXODUS 18:25

Israel mi dihlak chung khan thil ti kho deuhdeuh pawl kha a thim hna i hruaitu ah khan a chiah hna: a thong pawl hruaitu, a za pawl hruaitu, sawm nga pawl hruaitu, pahra pawl hruaitu, tiin a chiah hna.

NAMBAR 1:4

Cun nan sinah phun khat chungin mi pakhat cio an um lai i cu hna cu an chung lak i a lu cio an si lai.

NAMBAR 11:16

Cun Bawipa nih Moses sinah cun, “Israel upa hna lakin pa sawm sarih, nangmah nih mi hna cung i upa le bawi an si ti i na hngalhmi cu ka sinah ratpi tuah hna; cun tonnak thlam ah ratpi hna law, khika ah nangmah sinah dirter hna.

NAMBAR 13:16

Mah hihi Moses nih ram va ngiatthlai awk i a thlahmi hna min cu an si. Nun fapa Hoshea cu Moses nih Joshua tiah min a sak.

NAMBAR 13:3

Cucaah Moses nih Paran ramlak khan Bawipa nawl pek bang khan a thlah hna, an dihlak in Israel mi hna an lu kha an si.

NAMBAR 32:8

Hi bantuk ṭhiamṭhiam hin nan pale nih khan an rak tuah, ram va zoh awkah Kadesh-barnea in ka thlah tik hna ah khan.

NAMBAR 34:18

Ram cu co awk i a phawtu ah phun khat in hruaitu pakhat na lak lai.

DEUTERONOMI 1:15

Cucaah nan phun cio i lu hna cu, mifim le ningcang hngalmi hna cu, ka lak hna i nannih cungah lu ah ka chiah hna, a thongthong haotu hna le, a zaza haotu hna le sawm nga pawl haotu hna le pahra pawl haotu hna le nan phun hna chung i biaceihtu hna cu an si.

DEUTERONOMI 9:23

Cun Bawipa nih Kadesh-barnea in an thlah hna i, ‘Hung kal u law, kan pekmi hna ram cu hung umhnawh tuah u,’ tiah an ti hna tikah khan, nannih nih Bawipa nan Pathian nawlbia cu nan ralchanh i amah kha nan zum lo, a aw zong nan ngai lo.

JOSHUA 3:12

Cucaah Israel miphun hna chungin mi hleihnih, phun khat chungin mi pakhat cio, nan lak hna lai.