NAMBAR 12:6 - Lai (Hakha) Common Language Bible 2006

⁶ Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

NAMBAR 12:6 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

GENESIS 28:12

Mang a manh i a mang ah cun hlei pakhat a hmuh i cu hlei cu vawlei in van tiang a phan i cu hlei ah cun Pathian vancungmi kha an kai i an ṭum lengmang.

GENESIS 28:16

Jakob cu a hun i hlau i, “Bawipa cu hika hmun ah hin a um taktak, a hngalh bel ka rak hngal lo i a si,” a ti.

GENESIS 37:5

Voi khat cu Josef nih cun mang a manh i a mang cu a unau pawl kha a chimh hna. Cucaah cun an huat chinchin.

GENESIS 37:9

Cun Josef nih cun mang dang pakhat a manh ṭhan i, “Mang dang pakhat ka manh ṭhan i cu ka mang ah cun nika le thlapa le arfi hleikhat nih ka hmaiah an kun,” tiah a unau pawl cu a chimh hna.

GENESIS 46:2

Pathian nih Israel cu zan ah langhnak in a chawnh i, “Jakob, Jakob,” a ti i anih nih, “Asi, na salpa nih ka ngaih ko,” tiah a leh.

2 SAMUEL 7:4

Sihmanhsehlaw cu zan ṭhiamṭhiam ah cun Bawipa bia cu Nathan sinah a ra i,

1 SIANGPAHRANG 3:15

Cun Solomon cu a hun i hlau i zohhmanh, mang a si. Cun Jerusalem ah a ra i Bawipa biakamnak kuang hmaiah khan a dir i khangh thawinak hna le daihnak thawinak hna kha a pekchanh hna i a sinum vialte kha rawl danghnak a serpiak hna.

1 SIANGPAHRANG 3:5

Gibeon ah cun Solomon sinah Bawipa cu mang in zan ah a lang i Pathian nih cun, “Zeidah kan pek lai, ka hal tuah,” tiah a ti.

JOB 33:15

Mang ah, zan i langhnak an hmuhmi ah, Mi cung i mitkuh thu a tlun tikah, An ihkhun cung i an i hngilh hluahmah lioah,

JOB 4:13

Mi an i hngilh hluahmah lio i zan i langhnak ka hmuhmi ka ruah tikah.

SALM 105:15

Aa thawh i, “Ka thimmi ka sal cu tawng hna hlah u, ka profet cu fahnak pe hna hlah u,” a ti.

SALM 89:19

Zumhawktlak a simi na sal hna sinah hlan liopi ah langhnak in bia na chim i, “Ralkap min thang pakhat cu bawiluchin ka chinh cang; mizapi hna chungin thimmi kha bawiṭhutdan cu ka pek cang.

EXODUS 7:1

Bawipa nih khan Moses cu a thawh i, “Zohhmanh, nangmah cu Faro caah Pathian bantuk ah kan ser lai i na u Aaron nih na profet bantukin a sinah bia a chim lai.

JEREMIAH 23:25

Ka min in lih a chimmi profet hna nih, ‘Mang ka manh cang, mang ka manh cang,’ an ti cu ka theih.

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

DANIEL 10:8

Ka thazang cu a um ti lo i ka hmai cu aa dan tuk hringhran caah ahohmanh nih an ka hngal kho hnga lo.

DANIEL 2:19

Cun langhnak in zan ah cu biathli sullam cu Daniel sinah phuan a si i vancung Pathian cu hitihin a thangṭhat:

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

DANIEL 8:2

Hi langhnak ka hmuhmi ah hin Ulai tiva kam kha ka hei cuan.

HOSEA 12:11

Gilead ah siasal kha an biak hna, cu a biatu hna cu an thi lai. Gilgal ah cawtum kha rai ah an thawi hna, cucaah biakṭheng hna cu lo lak lungpon ah an cang lai.

JOEL 3:1

“Khi caan ah Judah le Jerusalem cu an vanṭhatnak kha ka pek ṭhan hna lai

ZEKHARIAH 1:8

Zahan ah langhnak pakhat ka hmuh. Kuar pakhat ah hin mipa pakhat ka hmuh i cu pa cu lenhmui thingkung lakah a dir i rangtum sen aa cit; cun a hnuah cun rang dang a nak le a pawl le a rang kha an um.

NAMBAR 24:4

Pathian bia a theimi le A Lianngan Bik langhnak a hmu i a tlu nain A mit hunpiak a simipa bia cu hihi a si:

MATTHAI 1:20

Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si.

MATTHAI 2:19

Herod a thih hnuah Izipt ram ah khan Josef sinah cun Bawipa vancungmi pakhat kha a lang i,

MATTHAI 23:31

Cucaah nanmah hrimhrim nih profet a rak thattu hna tefa nan si kha nan fianter

MATTHAI 23:34

Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

LUKA 1:11

A sinah Bawipa vancungmi pakhat a rung lang i rimhmui an khanghnak biakṭheng orhlei kamah khan a dir.

LUKA 1:22

A hung chuah tikah a chawn kho hna lo — cucaah Biakinn chungah langhnak a hmu ti kha an hngalh. A kut in hmelchunhnak kha a tuah i cuticun a chawnh hna, bia pakhat hmanh a chim kho lo.

LUKA 20:6

Minung sinin; kan ti ahcun, hika i a ummi vialte nih hin Johan cu profet a si hrimhrim tiah an zumh caah lung in an kan cheh lai,” an ti.

LAMKALTU 10:11

Van kha aa hung i puan he aa lomi thil a ki ki li in vawlei i an run thlakmi kha a hmuh.

LAMKALTU 10:17

Peter cu a hmuhmi langhnak kha a sullam zeidah a si hnga tiah khuaruahhar in a ruah lengmang lioah khan Kornelias nih a thlahmi hna cu Simon inn kha an phan i a kutka hmaiah khan an rak dir cang.

EFESA 4:11

“Mi kha laksawng a petu hna” cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.

DEUTERONOMI 18:15

“Nannih lakin, nan unau hna chungin, Bawipa nan Pathian nih nan caah profet pakhat keimah bantuk a chuahter lai i amah cu a bia nan ngaih lai,

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

1 SAMUEL 28:6

Cun Saul nih Bawipa kha a hal tikah Bawipa nih mang in siseh, Urim in siseh, profet hna in siseh, a let lo.

1 SAMUEL 3:15

Samuel cu zinglei tiang a it; cun Bawipa inn i innka hna kha a hun hna. Cun Samuel nih kha langhnak kha Eli chimh cu a ṭih.

1 SAMUEL 3:21

Cun Bawipa cu Shiloh ah a lang ṭhan, zeicahtiah Bawipa cu Samuel sinah Shiloh ah khan Bawipa bia in aa langhter.