NAMBAR 11:8 - Lai (Hakha) Common Language Bible 2006

⁸ Mi nih an char hna i rialnak lung in an rial hna, asiloah sum ah an phomh hna i um in an chuan hna i chang ah an ser hna; ei ah hin chiti he rawhmi chang bantuk a si.

NAMBAR 11:8 ပူးပေါင်းရင်းမြစ်များ

GENESIS 25:29

Ni khat cu Jakob kha pehang a rak chuang i cu lioah cun Esau kha ram vaihnak in a ra tlung.

EXODUS 16:23

Cun Moses nih a thawh hna i, “Bawipa nawl pekmi cu hihi a si: ‘Thaizing cu dinh ni, dinh ni zarh, Bawipa sin i pekchanhmi ni a si. Cucaah rawh nan duhmi kha atu ah raw u law chuan nan duhmi kha atu ah chuang u; a taangmi kha ngaan u law zinglei tiang ṭha tein chia u,’ a ti,” tiah a chimh hna.

EXODUS 16:31

Israel mi nih cu rawl cu a min ah manna an sak. Koriander mu bantuk a si, a rang i khuaihliti cawhmi changper bantukin a thlum.

NAMBAR 11:7

Manna cu koriander mu bantuk a si i a mui cu rili lungvar bantuk a si.

NAMBAR 11:9

Zan i riahhmun i dap a tlak ah hin manna cu a tla ve.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 6:31

Cathiang nih, ‘Ei awk changreu van in a pek hna,’ tiah a ti bantuk khan, kan pupa hna nih khan thetse ram ah manna kha an ei taktak,” tiah an ti.