NAMBAR 11:1 - Lai (Hakha) Common Language Bible 2006

¹ Cun mi hna nih cun Bawipa theih ah sifah retheih an innak ruangah khan an zai; mah cucu Bawipa nih a theih tikah a thinhunnak cu a alh i Bawipa mei cu annih lakah a kang i riahhmun kikam i a ummi riahbuk a cheu khat hna cu an kang dih.

NAMBAR 11:1 ပူးပေါင်းရင်းမြစ်များ

GENESIS 38:10

A tuahmi nih khan Bawipa cu a lawmhter lo caah amah zong cu a thah ve.

2 SAMUEL 11:27

Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.

2 SIANGPAHRANG 1:12

Sihmanhsehlaw Elijah nih a leh i, “Keimah cu Pathian mi ka si ahcun, vancung in mei rung tla seh law, nangmah le na sawm nga kha in kangh hna seh,” tiah a ti. Khi tikah Pathian mei kha a rung tla i amah le a sawm nga kha a kangh hna.

JOB 1:16

Cun bia a chim lengmang lioah cun a dang pakhat a ra i, “Pathian mei cu van in a rung tla i tuu le sinum kha a kangh hna i a thah hna; keimah lawnglawng hi nangmah chimtu dingah ka luat,” tiah a ti.

SALM 106:18

anmah a zultu pawl kha mei nih a tlak hna i cu miṭhalo pawl cu mei nih cun a kangh dih hna.

SALM 78:21

Cu an chimmi cu Pathian nih a theih tikah an cungah a thin a hung; a mi cu mei in a hrem hna i an cung i a thinhunnak kha a ṭhang,

SALM 78:63

Ral ah tlangval cu an thi lengmang i ngaknu pawl cu vat awk an ngei ti lo.

EXODUS 16:7

zinglei ah Bawipa sunparnak kha nan hmuh lai. Amah cung i nan phunhrannak kha a theih. Asi, nan phunhran kha amah cung i nan phunhran a si, zeicahtiah kannih cu phunhranhnawh awk tlak kan si ṭung lo,” an ti hna.

EXODUS 16:9

Moses nih Aaron cu, “Mi zapi kha, ‘Bawipa nih nan phunzainak kha a theih caah ra u law Bawipa hmaiah cun ra dir u,’ ti hna,” tiah a ti.

ISAIAH 10:17

Israel ceunak Pathian cu, mei ah cun a cang lai. Israel Pathian thiang cu meizik ah cun a cang lai i ni khat chungah zeizong vialte kha a kangh dih hna lai, hling le so hmanh kha a kangh dih hna lai.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ṬAHNAK HLA 3:39

Zeicahdah minung, a thi khomi minung nih hin, a phun a zai lai?

EZEKIEL 20:36

Izipt ram lak chungah nan pupa hna ka rak chalh hna bantuk khan nannih zong kan chalh ve hna lai. Hihi Bawipa Pathian bia hrimhrim a si.

LEVITIKAS 10:2

Cun Bawipa hmaika in mei a hung chuak i a kangh hna i Bawipa hmaika ah cun an thi.

NAHUM 1:5

A hmaiah tlang pipi kha an i hnih i tlang hme deuhdeuh hna kha an i let, A hmaiah vawlei le a cung i a ummi vialte hna cu i tuaibur in an um.

HABAKKUK 3:5

A hmaiah rai kha a kal i a kalnak paoh ah zawtnak nih a zulh.

NAMBAR 10:33

Cu bangin Bawipa tlang in ni thum kal ah an kal i Bawipa biakamnak kuang kha annih ca i, i dinhnak hmun kawl awkah annih hmaiah ni thum lamkal a rak kal chung.

NAMBAR 11:18

Cun mi hna cu, ‘Thaizing caah i thianh u law, sa nan ei lai; zeicahtiah Bawipa theih ah nan ṭap i, “Aho nih dah ei awk sa a kan pek lai? Izipt ram vial ah khan kan va nuam ṭung,” ti i nan ti caah. Cucaah Bawipa nih sa an pek hna lai i nan ei lai.

NAMBAR 12:2

Annih nih, “Moses sin lawng in maw Bawipa nih bia a chim? Kanmah sin zongin a chim ve lo maw?” tiah an ti. Mah cucu Bawipa nih a theih.

NAMBAR 14:2

Cun Israel mi vialte nih Moses le Aaron cu an zaihnawh hna; an bu ningin annih sinah, “Izipt ram ah khan rak thi u si law, a ṭha deuh hnga! Asiloah ramcar chungah hin hei thi dih ko u si law, a ṭha deuh hnga!

NAMBAR 14:22

ahohmanh, Izipt ram chung le ramcar chung i ka tuahmi ka sunparnak le ka hmelchunhnak a hmu i, sihmanhsehlaw hi voi hra tiang a ka hneksak i ka aw a ngai lomi cu,

NAMBAR 14:27

“Zei can dah hi a ṭha lomi bu nih hin an ka zaihnawh lai? Israel mi an phunzainak, keimah cung i an phunzainak cu ka theih cang.

NAMBAR 14:28

Annih sinah hi bangin va chim tuah, Bawipa nih, ‘Ka nun bangin, keimah theih hngan i nan chimmi cu nan cungah ka tuah lai:

NAMBAR 16:11

Cucaah nangmah le na hawile vialte nih nan pumhhnawhmi cu Bawipa pei a si tiah; Aaron cu mi zeidah a si, a cung i nan phunzai hi?” tiah a ti.

NAMBAR 16:35

Cun Bawipa sinin mei a chuak i zihmui a pechan liomi minung za hnih le sawm nga kha a kangh dih hna.

NAMBAR 17:5

Cun ka thimmipa i a ṭhiangṭhunh cu a corh lai; cu bangin Israel mi hna phunzainak, nangmah cung i an phunzainak cu, ka sinin ka daihter lai,” tiah a ti.

NAMBAR 21:5

Cun mi hna nih cun Pathian le Moses kha an zaihnawh hna i, “Zeicaahdah ramlak i thih awkah hin Izipt ram in nan kan chuahpi? Zeitintiah rawl a um lo, ti a um lo i, hi rawl ṭhalo hi cu kan fih,” tiah an ti.

1 KORIN 10:10

A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

DEUTERONOMI 25:18

zeitindah, nan tha a bat nan re a theih tikah, lam ah Pathian ṭih loin an tuk hna i nan hnuah aa thlaimi a thah dih hna kha va philh hlah u.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

DEUTERONOMI 9:22

“Taberah zongah, cun Massah le Kibroth-hattaavah ah Bawipa thin kha nan phawh fawn.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.