NAMBAR 10:9 - Lai (Hakha) Common Language Bible 2006

⁹ Cun nannih an hremtu hna nan ral he nan ram chung i nan i doh tikah muko cun ralrinnak nan tum lai, Bawipa nan Pathian hmaiah hngalh nan si camcin i nan ral hna sinin khamh nan si nakhnga.

NAMBAR 10:9 ပူးပေါင်းရင်းမြစ်များ

GENESIS 8:1

Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 13:14

Cun Judah mi nih khua an zoh tikah, zohhmanh, ral cu an hmailei he an hnulei he an um; cun Bawipa kha an auh i tlangbawi nih khan muko an tum.

SALM 106:4

Na mi hna na bawmh hna tikah ka philh hlah, Maw Bawipa, na khamh hna tikah kei zong ka telh ve.

SALM 106:42

An ral nih cun an rial hna i cawlcang kho loin an kut tangah cun an chiah hna.

SALM 136:23

Kan sungh tikah khan a kan philh lo, a dawtnak cu zungzal in a hmun.

ISAIAH 18:3

Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

ISAIAH 58:1

Bawipa nih, “Nan au khawh chungin au tuah u. Ka mi Israel mi cu an sualnak kha chim hna u.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 4:21

Zei can dah alan cu thlai a si kha ka hmuh peng ko lai i Muko aw thawng cu ka theih lai?

JEREMIAH 4:5

Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

JEREMIAH 49:2

Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah Bawipa nih a ti; Ṭiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah Bawipa nih a ti.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

JEREMIAH 6:17

Cun ka thawh hna i, ‘Nan caah ralvengtu ka chiah hna lai, Muko aw thawng kha ngai u,’ ka ti hna. Sihmanhsehlaw annih nih an i thawh i, ‘Zei ah kan rel lai lo,’ an ti.

EZEKIEL 7:14

Muko cu an tum cang, zeizong vialte timh a si dih cang, sihmanhsehlaw ahohmanh ral dohnak ah an kal lo.

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

ZEFANIAH 1:16

Cu ni cu kulhmi khua hna le ralhau sang pipi cung i muko thawng le raltuknak au thawng theih ni a si.

NAMBAR 31:6

Moses nih phun khat chungin thong khat cio cu le, tlangbawi Eleazar fapa Phinehas a kut in hmunthiang umkheng le ralrin peknak muko aa putmi cu, raldohnak ah a thlah hna.

1 KORIN 14:8

Cun muko tumtu zong nih fiang tein a tum lo ahcun, ahodah raltuknak hmun ah cun a chuak lai?

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

JOSHUA 6:5

Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti.

BIACEIHTU 10:12

Sidon mi hna zong le Amalek mi hna le Maon mi hna nih nannih kha an in hrem hna i nannih nih nan ka auh i an kut chungin kan chuah hna.

BIACEIHTU 10:8

annih nih khi kum ah Israel mi cu an rial hna i an hrem hna. Jordan tivaral Gilead ram chungah a ummi Amor mi ram i a ummi Israel tefa vialte hna cu, kum hleiriat chung an hrem hna.

BIACEIHTU 2:18

Bawipa nih an caah biaceihtu a chuahter fate, Bawipa cu biaceihtu sinah cun a um i biaceihtu nih cun amah chan chung vialte cu an ral hna kut chungin a khamh hna; zeicahtiah annih kha a hremtu hna le vansang au in a tuahtu hna ruang i an hrum-ainak nih khan Bawipa cu an cungah vel a ngeihter.

BIACEIHTU 3:27

A phak tikah Efraim tlangram ah cun muko a tum i Israel mi hna cu amah he tlangram cun an vung kal i amah nih cun a hrui hna.

BIACEIHTU 6:34

Sihmanhsehlaw Bawipa thlarau cu Gideon cungah a tlung; cun muko kha a tum i Abiezer mi kha amah zulh awkah an i pum.

BIACEIHTU 6:9

cun Izipt mi hna kut le nanmah an hremtu hna kut chungin kan luatter hna i nan hmai in ka dawi hna i an ram cu kan pek hna;

1 SAMUEL 10:18

Israel mi hna sinah cun, “Hi bangin Bawipa, Israel Pathian nih, ‘Israel cu Izipt ram in ka hun chuahpi i Izipt mi hna kut le nannih an hremtu hna ram vialte kut chungin kan luatter hna,’ a ti.