NAMBAR 10:32 - Lai (Hakha) Common Language Bible 2006

³² Cun kannih sin i na kal ahcun Bawipa nih kan cung i ṭhatnak a tuahmi paoh cu, mah cucu nangmah cungah kan tuah ve lai,” tiah a ti.

NAMBAR 10:32 ပူးပေါင်းရင်းမြစ်များ

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

DEUTERONOMI 10:18

Pangeilo le nuhmei cu ding tein bia a ceihpiak hna i, mipem kha a dawt i rawl le hnipuan a pek.

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

BIACEIHTU 1:16

Cun Moses pu, Ken miphun a simi i a tefa hna kha ungkung khua in Negeb chung i a ummi Arad pawng i a ummi Judah ramlak ah khan Judah mi hna he an hung kal i an lakah cun an hung um.

BIACEIHTU 4:11

Ken mi Heber cu Moses pu Hobab i tefa Ken mi hna sin khan aa ṭhen i Kedesh pawng Zaanannim ram i a ummi kuhthing hmun tiangin a puan thlam cu a va bunh.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.