NAMBAR 10:10 - Lai (Hakha) Common Language Bible 2006

¹⁰ Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.

NAMBAR 10:10 ပူးပေါင်းရင်းမြစ်များ

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

1 CHANRELNAK 15:24

Shebaniah, Joshafat, Nethanel, Amasai, Zekhariah, Benaiah le Eliezer, tlangbawi hna nih Pathian kuang hmaiah muko kha an tum hna lai. Obededom le Jehiah zong kuang ca i kutka cawngtu an si ve lai.

1 CHANRELNAK 15:28

Cuticun muko le saki le sumsel aw zulh cun Israel mi vialte nih au pah in Bawipa biakamnak kuang cu an hunpi i hla fak piin an sa i tingtang le thonglawi kha fak piin an tum hna.

1 CHANRELNAK 16:42

Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna.

2 CHANRELNAK 29:26

Levi mi hna cu David thilri he khan an dir i tlangbawi hna cu muko he khan an dir.

2 CHANRELNAK 29:28

Aa pummi nih cun an zapi in an biak, hlasatu nih khan hla an sak, muko tumtu nih khan muko an tum; mah vialte hi khangh thawinak a dih hlantiang an tuah.

2 CHANRELNAK 7:6

Tlangbawi cu an umnak hmun cio ah khan Levi mi hna he hmaitonh in an dir. Levi mi hna cu Bawipa thangṭhatnak caah David nih a rak sermi aw dawh tumnak thilri hna he khan an dir i David nih an rian ah a rak thiah hna bang khan, “A fekmi a dawtnak cu zungzal in a hmun,” timi hla kha lawmhnak in an sa. Tlangbawi hna nih khan mi zapi an dir ah khan muko kha an tum hna.

EZRA 3:10

Cun inn satu hna nih Bawipa biaknak inn hram kha an bunh tikah, Israel siangpahrang David lam hmuhsaknak ningin, Bawipa cu thangṭhat awkah, tlangbawi hna kha an thilthuam in an i fam i muko he an hung chuak, cun Levi mi hna, Asaf fapa hna kha an sumsel he an hung chuak;

NEHEMIAH 12:35

Cu hna cu Jonathan fapa Zekhariah le a unau hna Shemaiah, Azarel, Milalai, Gilalai, Maai, Nethanel, Judah le Hanani nih khan, Pathian mi David aw dawh tumnak thilri kha i put in an zulh hna; cun cazi Ezra nih khan hmai a ṭhit hna. Jonathan cu Shemaiah fapa a si, Shemaiah cu Mattaniah fapa a si, Mattaniah cu Mikaiah fapa a si; Mikaiah cu Zakkur fapa a si, Zakkur cu Asaf fapa a si.

SALM 150:3

Muko in thangṭhat u! Tingtang le thonglawi in thangṭhat u!

SALM 81:3

Thla thar caan le thla lai caan ah, kan puai ah tuu ki cu tum hna u.

SALM 81:4

Hihi Israel ram ah kan phung a si, Jakob Pathian nih tuah a kan fialmi a si.

SALM 89:15

Hla in nangmah an biami cu milunglawm an si, na zaangfahnak ceunak chung i a ummi cu lunglawmmi an si.

EXODUS 28:29

Aaron kha hmunthiang chung i a luh tikah a ṭang cung i a ummi biakhiahnak ṭangbenh cungah khan Israel fapa hna min kha an um lai i cuticun Bawipa nih annih cu a hngalh zungzal hna lai.

EXODUS 30:16

Hi tangka cu Israel mi sin khan na lak lai i pumhnak thlam chung rianṭuannak caah khan na hman lai. Cu tangka nih cun Bawipa kha Israel mi cu a hngalhter ṭhan hna lai i cu tangka cu nan nunnak ca i nan pekmi kha a si,” a ti.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

NAMBAR 10:9

Cun nannih an hremtu hna nan ral he nan ram chung i nan i doh tikah muko cun ralrinnak nan tum lai, Bawipa nan Pathian hmaiah hngalh nan si camcin i nan ral hna sinin khamh nan si nakhnga.

NAMBAR 28:11

“Cun nan thla a det tik paoh ah Bawipa sinah khangh thawinak nan pekchanh lai: cawtum no pahnih, tuukawng pakhat, kum khat a timi tuufa dotla a pa pasarih:

NAMBAR 29:1

“Thla sarihnak thla a ni khatnak ni ah a thiangmi pumhnak nan ngei lai; rian fak nan ṭuan lai lo. Nannih caah muko tumnak ni a si lai i,

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

LAMKALTU 10:4

Vancungmi kha thinphang ngaiin dengteo in a zoh i, “Zeidah, bawipa?” tiah a ti. Vancungmi nih cun a hun leh i, “Pathian nih na thlacamnak le misifak na bawmh hnanak kha an cohlanpiak i nangmah cu an philh lo.

1 KORIN 15:52

muko hmanung bik tum caan ah cun mit ṭhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

1THESALON 4:16

Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i

1THESALON 4:18

Cucaah pakhat le pakhat hi bia hin nan tha i nuamter cio u.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.

JOSHUA 6:4

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

1 SAMUEL 20:5

David nih Jonathan cu, “Zohhmanh, thaizing cu thla thar a si i siangpahrang sin i cabuai i ṭhut kha ka tlolh awk a si lo; sihmanhsehlaw a ni thumnak zanlei tiangin lo lakah kaa thuhnak hnga ka kalter tuah.