NAMBAR 1:54 - Lai (Hakha) Common Language Bible 2006

⁵⁴ Cu bangin Israel mi nih an tuah; Bawipa nih Moses nawl a pekmi dihlak bang khan an tuah.

NAMBAR 1:54 ပူးပေါင်းရင်းမြစ်များ

EXODUS 12:28

Israel mi cu an kal i mahticun an tuah; Bawipa nih Moses le Aaron a fial hna ning khan an tuah.

EXODUS 39:32

Cuticun pumhnak thlam rian vialte cu lim an si. Bawipa nih Moses a chimh bantukte khan Israel mi nih cun an tuah.

EXODUS 39:43

An tuahmi vialte kha Moses nih ṭha tein a zoh i Bawipa nih a chimhning tein an tuah ti kha a hmuh. Cucaah Moses nih thluachuah a pek hna.

EXODUS 40:16

Bawipa nih a fial bantuk tein zeizong vialte kha Moses nih a tuah dih.

EXODUS 40:32

Bawipa nih Moses a chimh bantuk te khan pumhnak thlam i an luh le biakṭheng lei i an kal ah, an i ṭawl lengmang.

NAMBAR 1:19

Cu bangin Sinai ramlak ah a rel hna.

NAMBAR 1:53

sihmanhsehlaw Levi mi hna cu hngalhternak puan biakinn velchum ah riahhmun an khuar lai, Israel mi an bu cungah thinhunnak a um nakhnga lo; cun Levi mi nih hngalhternak puan biakinn cu an zohkhenh lai,” a ti.

NAMBAR 2:1

Bawipa nih Moses le Aaron cu a chawnh hna i hi bangin a ti.

NAMBAR 2:34

Cu bangin Israel mi nih an tuah. Bawipa nih Moses nawl a pekmi vialte bantukin, cu bangin an bu cio ah riahhmun an khuar, cun cu bangin an pok, anmah le an chungkhar cio ah, anmah le an phun ning cio ah.

NAMBAR 36:10

Bawipa nih Moses nawl a pek bangin Zelofehad fanu hna nih an tuah;

NAMBAR 8:20

Cu bangin Moses le Aaron le Israel mibu nih an ningpi in, Levi mi hna cungah cun an tuah; Levi mi hna kong he aa peh in Bawipa nih Moses nawl a pekmi vialte bangin Israel mi nih an cungah an tuah.

NAMBAR 9:22

Ni hnih a si ah, thla khat a si ah, caan sau deuh zong a si ah, minmei cu puan biaknak inn cung i a um, cu ka i a cam chung cu, Israel mi hna cu an riahhmun ah an cam ko i an i thawh lo; sihmanhsehlaw aa ṭhial tikah annih cu an i thawh tawn.

NAMBAR 9:5

Cun lanhtak puai cu thla khatnak thla, a ni hleili ni ah cun, zanlei ah Sinai ramlak ah an ulh; Bawipa nih Moses nawl a pekmi dihlak bang khan Israel mi nih an tuah.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.