NAMBAR 1:51 - Lai (Hakha) Common Language Bible 2006

⁵¹ Puan biakinn cu kalpi awk a si tikah Levi mi nih an ṭheh lai i puan biakinn cu bunh awk a si tikah Levi mi nih an bunh lai; midang ahohmanh nih a ra naih ahcun, amah cu thah a si lai.

NAMBAR 1:51 ပူးပေါင်းရင်းမြစ်များ

2 SAMUEL 6:7

Cun Bawipa thinhunnak cu Uzzah cungah a alh i a kut in kuang kha a hei banh caah Pathian nih khika ah a tuk i cuka ah Pathian kuang kiangah khan a thi.

NAMBAR 10:11

Kum hnihnak kum, thla hnihnak thla, cu thla a ni kul ni ah cun, minmei cu hngalhternak puan biakinn cung cun aa ṭhial i

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

NAMBAR 17:13

A ra naihmi paoh cu, Bawipa puan biakinn a ra naihmi paoh cu, an thi lai. Kan dihlak in kan thi ko lai maw?” tiah an ti.

NAMBAR 17:5

Cun ka thimmipa i a ṭhiangṭhunh cu a corh lai; cu bangin Israel mi hna phunzainak, nangmah cung i an phunzainak cu, ka sinin ka daihter lai,” tiah a ti.

NAMBAR 18:22

Cun atu thawk in Israel mi hna cu tonnak thlam pawngah an ra ti lai lo, an sualnak mawh phor in an thi sual hnga.

NAMBAR 18:3

Nangmah kha an in bultawl lai i thlam rian vialte zong kha an bultawl lai; sihmanhsehlaw hmunthiang umkheng si hna seh, biakṭheng siseh, an naih lai lo, anmah le nangmah zong nan thi sual hnga.

NAMBAR 18:4

An in fonh lai i tonnak thlam cu thlam chung rian vialte ah an bultawl lai; cun a dang ahohmanh nan pawngah an ra lai lo.

NAMBAR 18:7

Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

NAMBAR 3:10

Cun Aaron le a fapa hna cu rian na pek hna lai i an tlangbawi rian cu an ṭuan lai; sihmanhsehlaw midang ahohmanh nih a ra naih ahcun, amah cu thah a si lai,” tiah a ti.

NAMBAR 3:38

Cun puan biakinn hmailei nichuahlei, nichuak hoih tonnak thlam hmailei i riahhmun a khuar hnga ding cu Moses le Aaron le a fapa hna an si lai, Israel mi hna ca i tuah awk a simi paoh, hmunthiang chung i phunglam hna cu anmah rian a si lai; midang ahohmanh a ra naihmi paoh cu thah a si lai.

1 SAMUEL 6:19

Cun Bawipa kuang chung kha Beth-shemesh khuami nih an bih caah tlawmpal a thah hna; annih kha mi sawm sarih a thah hna i, Bawipa nih annih kha tampi a thah hna caah an ṭap.