NAMBAR 1:4 - Lai (Hakha) Common Language Bible 2006

⁴ Cun nan sinah phun khat chungin mi pakhat cio an um lai i cu hna cu an chung lak i a lu cio an si lai.

NAMBAR 1:4 ပူးပေါင်းရင်းမြစ်များ

1 SIANGPAHRANG 8:1

Cun Solomon nih Israel mi upa vialte hna le an phun cio i lu a simi vialte hna, Israel mi chungkhar hna haotu vialte hna kha, David khua Zion in Bawipa biakamnak kuang cu hunpi awkah, Jerusalem khua ah Siangpahrang Solomon hmaiah a pumh hna.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

EXODUS 18:25

Israel mi dihlak chung khan thil ti kho deuhdeuh pawl kha a thim hna i hruaitu ah khan a chiah hna: a thong pawl hruaitu, a za pawl hruaitu, sawm nga pawl hruaitu, pahra pawl hruaitu, tiin a chiah hna.

NAMBAR 1:16

Mah hna hi mibu chungin thimmi, an thawhkehnak phun hruaitu hna. Israel mi chung i miphun hna an lu cu an si.

NAMBAR 1:44

Mah hna hi relmi cu an si, Moses le Aaron nih Israel mi hruitu hleihnih, anmah le an phun cio airawl hna he i bawmh in an relmi hna cu.

NAMBAR 17:3

Levi ṭhiangṭhunh cungah cun Aaron min na ṭial lai. Zeitintiah, phun khat lu cio caah khan ṭhangṭhunh pakhat a si lai.

NAMBAR 25:14

Midian nu he thahmi Israel mipa min cu Salu fapa Zimri a si; amah cu Simeon phun chung i hrin pakhat lu a si.

NAMBAR 25:4

Bawipa nih Moses cu a chawnh i, “An haotu vialte kha la hna law, Bawipa hmaiah ni tlang ah thlai hna, Bawipa thinhunnak ṭihnung a simi cu Israel sinin aa mer nakhnga,” tiah a ti.

NAMBAR 30:1

Moses nih Israel mi hna i an phun hna lu hna sinah cun, “Mah hihi Bawipa nawl pekmi cu a si.

NAMBAR 4:34

Cun Moses le Aaron le mibu a hruaitu hna nih cun Kohath fapale hna cu an chung ning cio le an phun ning cio ah an rel hna,

NAMBAR 7:2

relmi chung i a ummi Israel hruaitu hna, phun khat chung i lu a si ciomi hna, hrin khat chung i hruaitu a si ciomi hna nih cun pekchanhnak an tuah i

DEUTERONOMI 1:15

Cucaah nan phun cio i lu hna cu, mifim le ningcang hngalmi hna cu, ka lak hna i nannih cungah lu ah ka chiah hna, a thongthong haotu hna le, a zaza haotu hna le sawm nga pawl haotu hna le pahra pawl haotu hna le nan phun hna chung i biaceihtu hna cu an si.

JOSHUA 22:14

cun amah sinah bawi pahra, Israel phun hna chungin pakhat cio, Israel phun hna chung i a lu a si ciomi hna kha an i tel.