NAHUM 3:3 - Lai (Hakha) Common Language Bible 2006

³ Rangleng hna cu an choi cukmak, rangcung ralkap hna nih cun an hun nam cutmat, An vainam cu a tleu in an tleu, an fei cu a cer in an cer! Mithi cu rel cawk an si lo, an ruak cu a pon in aa pong; a rel in rel cawk an si lo, mi nih ruak cu i pah lulhmalh an si ko.

NAHUM 3:3 ပူးပေါင်းရင်းမြစ်များ

GENESIS 3:24

Pathian nih mipa cu a chuah i Eden dum nichuahlei kamah khan cherubim vancungmi hna le zei ti lei paoh i aa mer khomi mei vainam kha a chiah hna. Annih nih cun nunnak thingkung kha ahohmanh nih naih kho hna hlah seh tiah an cawngh.

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

ISAIAH 34:3

An ruak kha an vui hna lai lo, cuka ah cun an ril liangluang ko lai i an thu thluahmah ko lai; cun tlang cu thisen nih a ciah in a ciah dih lai.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 66:16

A sual tiah a hmuhmi vawleicung mi vialte kha mei le vainam in dan a tat hna lai i an thi lai.

EZEKIEL 39:4

Khika ah, Israel tlang cungah cun, nangmah le na ralkap vialte le nangmah sin i a ṭangmi vialte hna kha, nan thi dih lai; sa ei hmang va le ramlak sahrang hna rawl ah kan ser hna lai.

LEVITIKAS 26:37

Ahohmanh i dawi ṭung lo ah vainam he dawi bantukin pakhat le pakhat an i rilhhnawh lai i nan ral hna hmai i dir awkah ṭhawnnak nan ngei lai lo.

NAHUM 2:4

Raltuknak rang hna nih cun a bubu in khualipi cu an hun nam lulhmalh; Khua pawngri ah cun pakhat le pakhat kha an i eng, Meifar tom lekmi bantuk khi an si;

HABAKKUK 3:11

A khul a rangmi na cantiang an hmuh tikah, A cer zukmakmi na fei an hmuh tikah ni nih mer a philh i thlapa nih a dirnak hmun ah a dir peng.