NAHUM 2:9 - Lai (Hakha) Common Language Bible 2006

⁹ Hranchaw cu an lak hna, ngun le sui hranchaw hna cu; Thil an rak khonmi cu dongh a thiam lo, minung nih an duhmi thil man fak bikbik nih a phak lomi rothil an si.

NAHUM 2:9 ပူးပေါင်းရင်းမြစ်များ

2 CHANRELNAK 36:10

Cun cu kum ṭhal ah Nebukhadnezzar Siangpahrang nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 33:4

An chawva vialte kha an chuh hna i hranchaw ah an lakpiak dih hna.

JEREMIAH 25:34

Maw tuukhal hna, ṭap u law ai u, Tuurun bawi hna, vutcam lakah i lawng u. Atu cu thahnak hmun i kal kha nan chel a si cang i tuukawng ṭha bantukin nan tlu lai.

JEREMIAH 46:5

Sihmanhsehlaw ka hmuhmi hi zeidah a si kun? An hnabei a dong i hnulei ah an i mer, An ralkap hna cu an ṭhuat chih len hna i rianrang in an zam; Hnulei i her hleng loin an le dih. Ṭihnung cu thlah a si cang, tiah Bawipa nih a ti.

JEREMIAH 51:56

Hrawktu cu Babilon hrimhrim ah khan an phan cang, A ralkap cu an tlaih hna i an likuk cu an khiahpiak hna. Bawipa, teirul cham hmangmi Pathian nih a lehrulh hrimhrim hna lai.

EZEKIEL 26:12

Na chawhlawn vialte cu hranchaw ah an cang lai, Na thilri vialte cu an in chuh dih lai, Na vampang cu an cim dih lai, Na run inn nuamnuam hna cu an tlu dih lai; Na lung hna le na thingphel hna le na hnawmtam vialte hna hmanh cu rili ah hlonh an si dih lai.

DANIEL 11:8

An pathian milem cu a lak hna lai i a sungmi an thil, sui le ngun hna he khan Izipt ram ah a kalpi hna lai.

NAHUM 3:17

Van i arfi zat in nan mingiatu hna cu an tam; a thli tein nan i chiahmi hna cu khaubawk zat an si, Nan ralbawi hna cu, khua kih ni i vampang i aa dormi khaubawk zat an si; Sihmanhsehlaw ni a hung chuah tikah an zuang i khuazei ah dah an loh kha ahohmanh nih an hngal lo.

BIAPHUAN 18:12

an sui, an ngun, an lungvar, an rili lungvar, le la hmangṭhia in tahmi thilri puan sen, pu, maimaw; cun thingrua theihtlei in sermi thil phun zakip, vui ho le thing man sung in sermi thil phun kip,

BIAPHUAN 18:16

“Khua lianngan kha zeitluk in dah ṭih a nun cang. Zeitluk in dah mi tuksapur a si cang. Puan hmangṭhia le puan sen le maimaw in a rak i thuam tawn i sui hlawn le lung mansung le rili lungvar in a rak i ṭamh tawn.