NAHUM 2:2 - Lai (Hakha) Common Language Bible 2006

² (Bawipa nih Jakob sunparnak le Israel rumra cu a pek ṭhan lio a si; ramhtu nih khan an rak ramh hna i an nge kha an rak phet dih ko nain).

NAHUM 2:2 ပူးပေါင်းရင်းမြစ်များ

SALM 47:4

Kan umnak ram hi amah nih a kan thimpiakmi a si; a dawtmi a mi nih kan i porhlawt ngaimi ram a si.

ISAIAH 60:15

“Hlawt na si ti lai lo i huat na si ti lai lo. Ṭiaotakmi khua, khua rop na si ti lai lo. Khua lianngan le khua dawh ah kan ser lai i. zungzal in zungzal tiang lawmhnak hmun ah kan ser lai.

JEREMIAH 25:29

Ka min in auhmi khua cu dan ka tat hmasa bik lai; nannih cu kan luat hnga tiah nan i ruat maw? Luat hlah, nan luat kho lai lo, zeicahtiah vawlei cung i khua a sami vialte tuknak caah vainam kha ka au lio, tiah Ralkapbu Bawipa nih a ti,’ na ti hna lai.

JEREMIAH 48:11

Mitsur hang a ne a tho bal lomi bantukin Moab hi hnahnawh lo tein a um zungzal ko; Um khat hnu um khat i tlennak kha a tong lo, Saltannak kha a tong lo; Cucaah a thawtnak kha a chungah a tang i a rim zong aa thleng lo.

JEREMIAH 49:9

Mitsur thei lotu kha nan sinah an rat tikah a mua cu an nganh ding a si, Cun zan ah mifir nih na thei tlaiter kha fir seh law A duhmi lawng kha a lak ko lai.

EZEKIEL 37:21

annih cu na thawh hna lai i Bawipa Pathian nih hi bangin a ti, na ti hna lai, Israel mi cu ṭhek an sinak miphun hna chung khan ka lak hna lai i ram kip chung khan ka pumh hna lai i anmahle an hmunte ah khan ka chiah hna lai.

EZEKIEL 37:23

An siasal hna le an tuahmi thil fihnung hna le zumhawktlak loin an rak umnak vialte khan an i thurhhnawmh ti lai lo; sualnak chung i an kir ṭhan tawnnak khan ka chuah hna lai i ka thianh hna lai. Cuticun annih cu ka mi ah an cang lai i kei cu an Pathian ah ka cang lai.

HOSEA 10:1

Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

NAHUM 3:14

Ral nih an in hren hna lai caah ti i than ong u, Nan ralhau cu fehter hna u; Tlak kha nawng u law thung kha lamh chih u, tlakrawh kha remh hna u.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.