NAHUM 2:10 - Lai (Hakha) Common Language Bible 2006

¹⁰ An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

NAHUM 2:10 ပူးပေါင်းရင်းမြစ်များ

GENESIS 1:2

vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian ṭhawnnak cu aa chawk.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ISAIAH 21:3

Langhnak chung i ka hmuhmi nih ka thla an hlauh i ka ngan an ka fahter, nau nganfah a ingnu nganfah bantukin.

ISAIAH 24:1

Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai.

JEREMIAH 30:6

I hal u law ruat tuah hmanh u! Pa nih fa a hring kho maw? A si kun ahcun, zeicahdah pa nih nu naunganfah ing bangin an paw lawng an i domh ko kun? Zeicahdah rau diakduak in an um dih?

JEREMIAH 49:23

Damaskas kong ah Bawipa nih a chimmi bia: Hamath le Arpad cu thawng ṭhalo an theih caah an hnabei a dong; A dai kho lomi rili bantukin an khuaruah a har caah an i let lengmang ko.

JEREMIAH 51:62

Cun thla na cam lai i, ‘Bawipa, hi hmun hi ka hrawh lai i a chungah zeihmanh an um lai lo, minung zong an um lai lo, saram zong an um lai lo i zungzal in a ṭiaomi hmun a si lai,’ tiah na ti, na ti lai.

JEREMIAH 8:21

Ka mi hna cu hma an in kha ka hmuh tikah ka lungre a thei; Ngaihchiat in ka ṭap i ka lung a dong cikcek.

EZEKIEL 21:7

Annih nih zeicahdah na hrum-ai lengmang ko, tiah an in hal tikah, thawh hna law, ‘Ka theihmi thil kongah ka hrum ka ai, a rat tikah lungthin vialte a zor dih lai, ralṭhatnak vialte kha a lo lai, kut vialte kha an thlep dih lai, khuk vialte kha an zun didor an i thlauhmi nih a ciah dih hna lai. Cu thil cu a ra lio. Hika hi a phan ko cang,’ ti hna. Mah hihi Bawipa Pathian bia hrimhrim a si,” tiah a ti.

EZEKIEL 31:15

Mah hihi Bawipa Pathian bia an si: Sheol i a vung kal tikah khan ti thuk cu a cungah khan kutka bangin ka khar, a tiva cu ka kham hna i ti tampi cu an car dih. Lebanon nih khan a ṭah i ram chung thing vialte hna kha an uai dih.

DANIEL 5:6

Siangpahrang cu a lau tuk i a daang dih; a kut le a ke vialte kha an ther dih i a khuk kha aa hnin.

JOEL 2:6

An hmaiah cun miphun kha a ther in an ther i an hmai kha a daang dih.

NAHUM 2:2

(Bawipa nih Jakob sunparnak le Israel rumra cu a pek ṭhan lio a si; ramhtu nih khan an rak ramh hna i an nge kha an rak phet dih ko nain).

NAHUM 3:7

Khi tikah nangmah cu aan hmutu vialte nih an in hrial lai i, “Nineveh cu a rawk cang, aho nih dah a hnemh ti lai,” an ti lai. Nangmah hnemtu ah ahodah ka hmuh khawh hna lai?

ZEFANIAH 3:6

Miphun cu ka hloh cang hna, an khuapi cu ka hrawh hna i an kulhnak vampang hna le innsang hna cu an tlu dih. An khualak lam hna cu ahohmanh an i chawh ti lonak thetse ram ah ka ser cang. An khuapi cu an rawk cang, chuahtak an si cang, mi an um ti lo.

JOSHUA 2:11

Cun cucu kan theih cangka tein kan lung cu an ther i nanmah ruangah ahohmanh ralṭha an um ti lo; zeitintiah cunglei van le tanglei vawlei i Pathian a simi cu Bawipa nan Pathian kha a si.

JOSHUA 7:5

cun Ai khuami nih sawm thum le paruk tluk an rak thah hna i kutka hmailei ah Shebarim tiangin an dawi hna i zuanchuknak ah khan an thah hna. Cun mi zapi cu an thin a phang i ti bantuk an si.