NAHUM 1:8 - Lai (Hakha) Common Language Bible 2006

⁸ Tilian nih thil a hrawh bantukin a hrawh hna i Sihmanhsehlaw amah a dohtu a ral hna cu khuamui chungah a dawi hna.

NAHUM 1:8 ပူးပေါင်းရင်းမြစ်များ

JOB 30:15

Ṭihnung nih khan an ka tlunhnawh chin luaimai i Kaa ruahchihmi kha thlitu choih bangin a choi i Teinak kaa ruahchanmi cu minmei bangin a ṭian.

JOB 40:11

Na thinhunnak cu chuahter law aa porhlawmi paoh cu zoh hna law ṭhum hna.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

ISAIAH 13:9

Bawipa ni cu a ra lio, a thinhunnak le a thinlinhnak ni, ni ṭihnung cu a phan dengmang cang. Vawlei cu ramking ah a cang lai i misual mi paohpaoh cu thah an si lai.

ISAIAH 28:17

A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami ṭotho nih a choih dih lai i nan himnak cu tilian nih a fenh dih lai,” a ti.

ISAIAH 28:18

Thihnak he hnatlak ṭinak nan tuahmi cu hloh a si lai i mithi khua he biakamnak nan tuahmi cu hrawh a si lai. Harnak a tlun tikah nan dir kho lai lo.

ISAIAH 28:2

Anmah dohtu dingah a ṭhawng i a liannganmi pakhat Bawipa nih a chiah ko. Rial bantukin a ra lai, ruahpi sur in a sur lai, ti lian bantukin a ra lai i ram kha a tei cikcek lai.

ISAIAH 8:22

Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak ṭihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.

JEREMIAH 13:16

Bawipa nan Pathian cu sunparnak pe tuah u, Khua a muih hlan le huaphap lawngin a ceumi tlang pang i nan ke a nal hlan le Nannih nih nan kawlmi ceunak cu mui padap i a ser hlanah hin.

JEREMIAH 51:64

‘Hihi Babilon cung i a tlung ding cu a si — a pil lai i a tho ṭhan ti lai lo, zeicahtiah Bawipa nih a cungah ṭhat lonak a tlunter lai,’ na ti lai,” tiah a ti. Hi tiang hi Jeremiah bia cu a si.

EZEKIEL 13:13

Cucaah hihi Bawipa Pathian bia a si: Zeizong vialte kha a rawh dih hlantiang, ka thin nan ka phawh caah thli chia kha ka hranter lai, ka thin hun in ruahpi fak piin ka surter lai i ka thinlinh in lung tlukin a hakmi rial kha ka tlakter hna lai.

DANIEL 11:10

A fapale nih khan Siria siangpahrang cu ralkapbu nganpi kan pumh hna lai, tiah an hnek lai. An lak i pakhat cu dawnh khawh lomi tilian bantukin a lan thluahmah ko lai i an ral hna ralhruang a phanh tiang a nam chih lengmang ko hna lai.

DANIEL 11:22

Amah a dohtu ralkapbu kha a tei thluahmah hna lai i Pathian tlangbawi hmanh kha a hloh lai.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

AMOS 8:8

Hi ruangah hin vawlei hi i hnin loin a um kho hnga maw? A cung i a ummi vialte hna cu ngaihchia loin an um kho hnga maw? Ram cu a pumpi in Nail tiva lian bantukin a tho lai i Izipt Tivapi bantukin a hlonh in aa hlonh lai.

NAHUM 1:1

Nineveh khua kong bia: Elkosh khuami Nahum nih langhnak a hmuhmi ṭialnak cauk.

NAHUM 2:8

Cun Nineveh cu tidil bantuk ah a cang, A velchum i a ummi ti a zor lengmangmi bantuk kha a si cang. “Dir tuah, dir tuah,” tiah an au, sihmanhsehlaw pakhat hmanh an i mer lo.

ZEFANIAH 2:13

Cucaah a kut cu chaklei ah samh seh law Assiria cu hrawk seh, Nineveh cu ṭhio seh law ram car bantukin carter seh.

MATTHAI 7:27

Ruah a sur, ti a lian, thlitu nih fak piin a hranh i a pur; rawk cikcek in a tlu,” tiah a ti.

MATTHAI 8:12

Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

1 SAMUEL 2:9

“A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.