NAHUM 1:6 - Lai (Hakha) Common Language Bible 2006

⁶ Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

NAHUM 1:6 ပူးပေါင်းရင်းမြစ်များ

1 SIANGPAHRANG 19:11

Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun Bawipa cu a lan i a thlichia a hrang ciammam i tlang cu a cheu i Bawipa hmaiah cun lung hna cu a khuai cikcek hna, sihmanhsehlaw Bawipa cu thli chungah cun a um lo; cun thli a hran dih cun li a hnin, sihmanhsehlaw Bawipa cu lihnin chung zongah cun a um lo;

JOB 26:11

Van tung hna cu an ther, a sik hna i ar koin an um.

JOB 40:11

Na thinhunnak cu chuahter law aa porhlawmi paoh cu zoh hna law ṭhum hna.

JOB 9:5

Tlang cu a ṭhial hna i a thinhun in a leh hna tikah an hngal lo;

SALM 130:3

Kan sualnak kha cazin chungah na kan khumhpiak ahcun ahodah sual phawtnak cu a luat khomi a um lai?

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

SALM 76:7

Sihmanhsehlaw nangmah cu mi nih an in ṭih hringhran ko! Na thin a hun ahcun ahodah na hmaiah a dir ngam lai?

SALM 76:8

Vawleicung i hremnak a ingmi vialte hna khamh awkah; nangmah nih na biakhiahnak cu thanh awk i na thawh tikah, na biakhiahnak cu vancung khin na run langhter i vawlei cu a thin a phang i dai tein a um.

SALM 90:11

Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?

ISAIAH 10:16

Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.

ISAIAH 13:13

Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.

ISAIAH 27:4

Ka mitsur dum cungah ka thin a hung ti lo. Sam len awk hling le so um hna seh law ka duh hnga. Um hna seh law a khangh in ka khangh dih hna hnga.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

ṬAHNAK HLA 2:3

A thinhun in Israel sunparnak ki cu a tan i Ral an rat cuahmah lioah khan a bawmhnak kut cu a zuhkanh hna; Jakob chungah cun meizik bangin a alh i a pawngkam vialte kha a kangh dih.

ṬAHNAK HLA 2:4

Ral bantukin a li kha aa koih; Ral bantukin a dir i A rak lawmh tawnmi vialte hna kha A ban ṭhawng in a thah hna; A thinhunnak cu mei bangin Zion fanu thlam cungah a bungh dih.

ṬAHNAK HLA 4:11

Bawipa nih diriam in a thinlinhnak kha a chuah i a thinhunnak kha a bungh; Zion ah mei a kau i a hram kha a kangh dih.

EZEKIEL 21:31

A hliau in aa hliaumi mei bantukin nan cungah ka thinhunnak kha ka langhter tikah ka thinhunnak kha nan hngalh lai. Cun nannih cu thil hrawh thiamnak leiah a thiam ngaingaimi mipuar hna kut chungah kan chanh hna lai.

EZEKIEL 30:16

Izipt cu mei in ka khangh lai i Saien cu nganfahnak in aa kual len lai; No khua kulhnak cu baoh a si lai i tilian cu a chungah an lut hungmang lai.

EZEKIEL 39:6

Mah hihi Bawipa Pathian bia hrimhrim a si: Magog ram le ahohmanh nih hnahnawh lo tein rilikam ram le tikulh ah khua a sami hna cungah khan mei ka tlunter lai i mi kip nih Bawipa ka si kha an hngalh lai.

EZEKIEL 7:8

Khulrang tein ka thinhunnak cu a bungh in kan bunghhnawh hna lai. Nan tuahmi nan thil kha zeicahdah nan tuah tiah kan hal hna lai i fihnung nan tuahmi cu nanmah lu cung lila ah ka tlunter hna lai. Nannih cu kan zaangfah hna lai lo, kan zuah fawn hna lai lo.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

ZEFANIAH 2:2

Bawipa thinhunnak a kangh in a kangmi cu nan cungah a phak hlanah le Bawipa thinhun ni nan cung i a tlun hlanah i pum tuah u.

MALAKHI 3:2

Aho nih dah a rat ni cu an in khawh lai? A hung langh tikah ahodah fek tein a dir kho hna lai? Amah cu thianhtu somei bantuk a si, thil sutu chatpiat bantuk a si; a ṭhu lai i ngun an thianh bantukin a thianh hna lai;

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

BIAPHUAN 16:1

Cun biakinn khan aw thangpi pakhat nih vancungmi pasarih hna cu, “Va kal u law Pathian thinhunnak kanto pasarih kha vawlei ah va thle hna u,” tiah a ti thawng kha ka theih.

BIAPHUAN 16:8

Cun vancungmi palinak nih a kanto kha ni cungah a bungh i ni cu mi kha khanghnak nawl a hmu.

BIAPHUAN 6:17

An thinlinh ni ni lianngan cu an phan cang i aho nih dah a celh lai,” a ti.