NAHUM 1:3 - Lai (Hakha) Common Language Bible 2006

³ Bawipa cu phuchim le ṭotho in a kal i khuadawm hna cu a ke toi i leidip an si.

NAHUM 1:3 ပူးပေါင်းရင်းမြစ်များ

2 SAMUEL 22:10

Van kha a kuaih hna i a rung ṭum A chahmi muihnak cu a ke tangah a um

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

JOB 10:14

Sual seh law, a sualnak kha ngaihthiam duh loin umning, tiah na ka ngiat.

JOB 38:1

Cun Bawipa nih phuchim chungin Job cu a leh i:

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

SALM 103:8

Bawipa cu zaangfahnak le dawtnak in a khat, a thin a fual i a fekmi dawtnak in a khat.

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

SALM 145:8

Bawipa cu dawtnak a ngeimi le mi zaangfah thiammi a si, thinhun a har i a fekmi dawtnak in a khatmi a si.

SALM 147:5

Kan Bawipa cu a lian a ngan i ṭhawnnak in a tling, thil a hngalhning hi tah khawh a si lo.

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

DANIEL 7:13

Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

MATTHAI 26:64

Jesuh nih cun, “Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cung Nung Bik orhlei i a ṭhut le khuadawm cungin a rat kha nan hmuh lai,” tiah a leh hna.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.