NAHUM 1:15 - Lai (Hakha) Common Language Bible 2006

¹⁵ Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

NAHUM 1:15 ပူးပေါင်းရင်းမြစ်များ

SALM 107:15

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 107:8

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

ISAIAH 41:27

Cu thawng Zion a chim hmasa biktu cu Bawipa ka si, Jerusalem cu, ‘Na mi hna an ra lio! Na mi hna an ra tlung lio!’ tiah va chimh awkah keimah nih lamkaltu ka thlah.

ISAIAH 42:11

Thetse ram le a chung i a ummi khua vialte nih Pathian cu thangṭhat hna seh, Kedar mi nih amah cu thangṭhat hna seh. Sela khua i a ummi cu lunglawmhnak in tlang cungin a au in rung au hna seh.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

LEVITIKAS 23:2

“Israel mi cu, a caan khiahmi Bawipa puai, nannih nih pumhnak thiang caah nan thanh ding, a caan khiahmi ka puai hna cu, mah hihi an si, tiah chim hna.

LEVITIKAS 23:4

“Mah hna hi a caan khiahmi Bawipa puai, a thiangmi pumhkhawmhnak, an ca i khiahmi caan cio i nan thanh hngami cu an si.

NAHUM 1:14

Assiria mi kong ah Bawipa nih hitihin nawlbia a chuah; “Phuntungtu ngei loin ka tuah hna lai. An Pathian hna biakinn chung milem vialte kha, suaimi he thletmi he, ka hrawh dih hna lai. Nannih Assiria mi hna, nan caah thlan ka co lio — nun awk nan i tlak lo, a ti.

LUKA 2:10

sihmanhsehlaw vancungmi nih cun a thawh hna i, “Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

ROM 10:15

Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngṭha a chimtu hna ke cu a vaa dawh dah,” a ti bantuk khan a si taktak.