NAHUM 1:14 - Lai (Hakha) Common Language Bible 2006

¹⁴ Assiria mi kong ah Bawipa nih hitihin nawlbia a chuah; “Phuntungtu ngei loin ka tuah hna lai. An Pathian hna biakinn chung milem vialte kha, suaimi he thletmi he, ka hrawh dih hna lai. Nannih Assiria mi hna, nan caah thlan ka co lio — nun awk nan i tlak lo, a ti.

NAHUM 1:14 ပူးပေါင်းရင်းမြစ်များ

2 SIANGPAHRANG 19:37

Cun a pathian Nisrok biakinn chungah a biak lioah khan, a fapa Adrammelek le Sharezer nih vainam in an thah i Ararat ram ah an zam. Cun a fapa Esarhaddon cu amah hmun ah khan bawi a hung cang.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.

JOB 18:17

Amah hngalh camcinnak kha vawlei in a lo i vawlei cungah min a chia ta lo.

SALM 109:13

A tefa vialte cu thi dih hna seh law hmai chan ah cun a min cu philh dipdep si seh.

SALM 71:3

Ka caah himnak lungpi si law a fekmi ralhruang a ka hupphengtu si ko; nangmah cu ka himnak lungpi le ka ralhruang na si.

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 33:13

Lamnai i a ummi nih si hna seh, lamhla i a ummi nih si hna seh, ka tuahmi kha thei hna seh law ka ṭhawnnak kha hngal hna seh,” a ti.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

DANIEL 11:21

Siria siangpahrang a hun chaangtu cu miṭhalo a si lai, amah cu siangpahrang si awkah aa tlak lomi a si lai i asinain daihnak caan lioah pennak chungah cun a holh nalnak thawngin aa sawh lai i hlennak in uknak cu a lak lai.

DANIEL 5:27

tekel ti cu cuai thlainak ah thlai na si cang i na tling lo ti kha hmuh a si cang, tinak a si; u-pharsin ti cu, na pennak cu cheu a si cang, tinak a si i Media mi le Persia mi kha pek an si cang, ti a si,” tiah a ti.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

MIKAH 5:13

Nan ram chung i nan siasal hna le nan tung thiang hna kha ka hrawh dih hna lai; Nanmah nih nan kut in nan serchommi thil hna hmaiah khan hmaizahnak in nan kun ti lai lo.

MIKAH 5:14

Nan ram chung i tungthiang hna kha ka hau dih hna lai i, Thisen aa nehmi nan biakṭheng hna kha ka hrawh dih hna lai.

HABAKKUK 2:10

Asinain nan tuahmi nih cun nan innchungkhar cungah ningzahnak a tlunter; Miphun tampi kha nan va hrawh hna, asinain nan i tlunpimi cu nanmah rawknak kha a si ko.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.