NAHUM 1:12 - Lai (Hakha) Common Language Bible 2006

¹² Hihi Bawipa nih a mi Israel mi hna sinah a chimmi cu a si; “Assiria mi cu ṭhawng in tam hna hmanh seh law an rawk lai i an lo lai. Ka mi hna, harnak kan inter hna, sihmanhsehlaw kan inter ti hna lai lo.

NAHUM 1:12 ပူးပေါင်းရင်းမြစ်များ

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

2 SIANGPAHRANG 19:37

Cun a pathian Nisrok biakinn chungah a biak lioah khan, a fapa Adrammelek le Sharezer nih vainam in an thah i Ararat ram ah an zam. Cun a fapa Esarhaddon cu amah hmun ah khan bawi a hung cang.

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

ISAIAH 10:16

Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.

ISAIAH 17:14

Zanlei ah cun annih nih thil ṭihnung an chuahter, sihmanhsehlaw zinglei ah cun an lo. Cu bantuk cu kan ram a hrawktu paoh cu an si ko.

ISAIAH 30:19

Jerusalem khua i a ummi hna, nan ṭap ti lai lo. Bawipa cu zaangfah a thiammi a si i bawmhnak nan hal tikah nan auhnak cu an leh hna lai.

ISAIAH 31:8

Raldohnak ah hin Assiria mi cu hrawh an si lai, sihmanhsehlaw minung ṭhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

ISAIAH 7:20

“Cu caan a phak tikah, Bawipa nih Zufrates tiva ral i a ummi sam mettu pakhat kha a hlan lai i cu sam mettu nih cun nan khahmul le nan lu cung sam le nan takpum cung hmul vialte kha an meh dih hna lai — cu pa cu Assiria siangpahrang kha a si lai!

ISAIAH 8:8

Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

DANIEL 11:10

A fapale nih khan Siria siangpahrang cu ralkapbu nganpi kan pumh hna lai, tiah an hnek lai. An lak i pakhat cu dawnh khawh lomi tilian bantukin a lan thluahmah ko lai i an ral hna ralhruang a phanh tiang a nam chih lengmang ko hna lai.

JOEL 2:19

Annih nih an nawlnak kha a leh hna i, “Atu cu rawl le mitsur hang le chiti kha kan pek hna lai i khim tein nan um lai; Miphun dang nih nannih cu an in serhsat ti hna lai lo.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

BIAPHUAN 7:16

Annih cu an ti a hal in an rawl a ṭam ti lai lo; ni nih a linh ti hna lai lo i thlanhri puak in zeihmanh nih a umter ti hna lai lo.